Almaty koronavırýstyń taralý qarqyny boıynsha «sary» aımaqqa endi. Sarapshylar ınfeksııanyń kúrt artýyn karantındik sharalardyń bosańsýymen baılanystyrady.
«Qyrkúıek-qazan aılarynda koronavırýstyq ınfeksııanyń qalada tómendeýi turǵyndardyń bosańsýyna yqpal etti. Saýda ortalyqtary men saıabaqtardyń jumystaryn qaıta jańǵyrtýy derttiń kúrt ósýine ákeldi. Sonymen qatar, sýyq túsip, vırýstyń syrtqy ortada saqtalýy múmkin boldy, al bul jaǵdaıdy kúrdelendire túsedi», - dedi R. Egemberdıeva.
Sarapshylardyń baqylaýy boıynsha, jurttyń basym bóligi áli kúnge deıin koronavırýstyń bar ekenine senbeıdi, sonyń saldarynan profılaktıkalyq sharalardy elemeıdi. Keıbireýler tipti dárigerler sandar men derekterdi asyryp kórsetedi degen senimde.
«Biraq, ókinishke oraı, koronavırýstyq ınfeksııa bar jáne onyń zardaby óte aýyr. Sonymen qatar, bul dertti juqtyrǵan kez-kelgen adamda aýrý asqynýy múmkin. Ahýaldyń kúrdeli ekenin túsingende ǵana adamdardyń áleýmettik jaýapkershiligi artatyn bolady», - dep esepteıdi spıker.
R. Egemberdıevanyń aıtýynsha, sozylmaly aýrýlary bar qart adamdar aýrýhanalarǵa jıi túsedi.
«Negizinen naýqastar úıden shyqpadyq deıdi. Al, olarǵa saqtyq sharalaryn elemegen otbasynyń jaýapsyz músheleri men týystary ınfeksııa juqtyrady. Árıne, qart adamdar aýrýǵa tótep bere almaı, qaıtys bolýlary ábden múmkin», - dedi spıker.
R. Egemberdıeva búgingi kúni de profılaktıkalyq sharalardy qatań saqtaý koronavırýsqa qatysty usynystardyń eń mańyzdysy ekenin atap ótti. Olar: betperde taǵý, qolǵap kııý, dezınfeksııa quraldaryn qoldaný. Jabyq keńistikte áleýmettik qaýipsiz araqashyqtyqty saqtaý, adamdar kóp jınalatyn oryndardan aýlaq bolý.
