Kıno • 02 Jeltoqsan, 2020

"Qyz ben teńiz" fılmi sheteldik kınofestıvalde birneshe júldege ıe boldy

36 ret kórsetildi

Rejısserleri Ázızjan Zaıyrov pen Muhamed Mamyrbekovtyń «Qyz ben teńiz» fılmi Silk Road Film Awards – Cannes kınofestıvalinde «Áleýmettik taqyryptaǵy úzdik fılm» júldesimen marapattaldy. Sondaı-aq fılmde basty rólderdi somdaǵan akterler Dınara Sharıpova jáne Tahır Ýmarov festıvaldiń qurmetti atalymyna ıe boldy. Baıqaýdyń nátıjeleri festıvaldiń Instagramdaǵy resmı paraqshasynda jarııalandy, dep habarlaıdy Egemen.kz.

Silk Road Film Awards – Cannes festıvali jeńimpazdardy ár aıdyń sońynda anyqtaıdy. Úzdik dep tanylǵan fılmder jyldyń sońynda III Aleksandr atyndaǵy teatrda kórsetiletin bolady. Bul baıqaýǵa álemniń táýelsiz kınogerleri qatysa alatynyn aıta ketken jón. Festıval sheńberinde qysqametrajdy jáne tolyqmetrajdy derekti, kórkem fılmdermen qatar, televızııalyq jobalar da kórsetiledi.

Esterińizge sala ketsek, QR Mádenıet jáne sport mınıstrliginiń tapsyrysy boıynsha «Novyı mır» ARDI stýdııasynyń qatysýymen Sh.Aımanov atyndaǵy «Qazaqfılm» AQ túsirgen fılmniń sıýjeti BSP-men aýyratyn Ásel esimdi boıjetkenniń qıyn taǵdyry, onyń armany, mahabbat jáne otbasy týraly baıandalady. Fılm «ARDI» ońaltý ortalyǵynyń qamqorlyǵyndaǵy (múgedek balalardyń ata-analarynyń qaýymdastyǵy) Dınara Sharıpovanyń ómirinen alynǵan naqty oqıǵaǵa negizdelgen.

Aıta ketsek, «Qyz ben teńiz» fılmi osy ýaqyt aralyǵynda birneshe halyqaralyq festıvalderge qatysyp, júldeger atandy. Kınotýyndy byltyr Londonda ótken Romford film festival festıvalinde «Úzdik áıel adamnyń róli» (Dınara Sharıpova) júldesimen, Bashqortostanda ótken IV «Kúmis Aqbozat» festıvalinde «Áleýmettik jáne motıvasııalyq kıno» nomınasııasy boıynsha qoǵam qaıratkeri Karıne Habırovanyń arnaıy júldesimen, Bashqortostan Respýblıkasy otbasy jáne eńbek mınıstrligi atynan «Armandardyń oryndalýy» arnaıy syılyǵymen (akter Tahır Ýmarov) jáne Barselonada ótken Asian Film Festival Barcelona kınofestıvalinde «Úzdik fılm» júldesimen marapattalǵan bolatyn.

Atalǵan kınotýyndy bıyl jeltoqsan aıynyń 24-i men 26-y aralyǵynda Bangladeshte ótetin Cinemaking International Film Festival-2020 halyqaralyq festıvaldiń negizgi baıqaýyna qatysady. Al keler jańa jyldyń basynda «Qyz ben teńiz» fılmi Bolgarııada ótetin 13th Sofia Menar Film Festival kınofestıvali sheńberinde kórsetiledi.

Sońǵy jańalyqtar

Elektrondy saýda-sattyq qaıtse damıdy?

Ekonomıka • Búgin, 22:41

Pandemııa gúl naryǵyna áser etti

Qazaqstan • Búgin, 21:00

OPEK+ kútpegen sheshim shyǵardy

Qarjy • Búgin, 20:13

Teńge qymbattaıdy

Qarjy • Búgin, 17:30

Qazaqstanda 480 adam koronavırýstan aıyqty

Koronavırýs • Búgin, 09:55

«Barys» utylyp qaldy

Sport • 06 Naýryz, 2021

Almatynyń ortasyndaǵy kóshe opyrylyp qaldy

Aımaqtar • 06 Naýryz, 2021

Taraz qalasynda 135 otbasy baspanaly boldy

Aımaqtar • 06 Naýryz, 2021

Jansaı Smaǵulov júldege talasady

Sport • 06 Naýryz, 2021

Eldos Smetov kúmis aldy

Sport • 06 Naýryz, 2021

Oraldyq magıstranttar qazaq ádebıetin oqıdy

Aımaqtar • 06 Naýryz, 2021

Uqsas jańalyqtar