Foto: Ashyq derekkóz
Alaıaqtar ózderin medısına qyzmetkeri retinde tanystyryp, keı jaǵdaıda azamattardyń jeke derekterin, tipti JSN-in aıtyp, senimge kirýge tyrysady. Olar «qabyldaýǵa kelýdi rastaý» syltaýymen SMS arqyly kelgen kodty suraıdy. Budan bólek, keıbiri zeınetaqy qorynyń qyzmetkeri bolyp habarlasyp, jalǵan kezekke tirkep, keńsege shaqyrýy múmkin.
Mamandardyń aıtýynsha, qaskóılerdiń basty maqsaty – azamattardyń jeke jáne bank derekterine qol jetkizý. Ol úshin alaıaqtar túrli tásilderdi qoldanady: telefon nómirin, daýysyn ózgertý, jalǵan akkaýnttar men messendjerlerdi paıdalaný, sondaı-aq «shuǵyl áreket etý qajet» degen qysym jasaý. Tipti «sizge nesıe maquldandy» degen jalǵan aqparat taratý arqyly da adamdardy aldaıdy.
Jalǵan qujattar paıdalanǵan: Jetisý oblysynda alaıaq 5 jylǵa sottaldy
«BJZQ» AQ azamattardy saq bolýǵa shaqyryp, kúdikti qońyraýlarǵa jaýap bermeýge, SMS-kodtar men jeke málimetterdi eshkimge bermeýge keńes beredi. Aqparatty tek resmı derekkózderden tekserip, kúmán týyndaǵan jaǵdaıda birden quqyq qorǵaý organdaryna júginý qajet.
Qor mamandary zeınetaqy tólemderin rásimdeý úshin eshqandaı deldal qajet emes ekenin eskertedi. Barlyq qyzmet zań aıasynda, komıssııasyz júzege asady. Jınaq qarajatyn paıdalaný da tek ýákiletti operatorlar arqyly iske asady.
Agenttik eskertedi: Jalǵan saqtandyrý polısterin satatyn alaıaqtar kóbeıgen
Aıta keteıik, memlekettik organdardyń, bankterdiń nemese zeınetaqy qorynyń qyzmetkerleri eshqashan telefon ne messendjer arqyly qupııa aqparatty, bank kartasynyń derekterin nemese SMS-kodtardy suramaıdy.
