Bilim • Búgin, 17:42

FIRST Championship: Elimizdiń 17 komandasy halyqaralyq ınjenerlik báıgede baq synaıdy

30 ret

kórsetildi

1 mın

oqý úshin

Qazaqstannyń robototehnıkadan ulttyq quramasy álemdegi eń bedeldi halyqaralyq jarystardyń biri FIRST Championship álemdik kezeńine daıyndyq júrgizip jatyr. Atalǵan bilim báıgesinde 200-den astam oqýshy baq synaıdy, dep habarlaıdy Egemen.kz.

Egemen Qazaqstan

FIRST Championship: Elimizdiń 17 komandasy halyqaralyq ınjenerlik báıgede baq synaıdy

Jarys 29 sáýir men 2 mamyr aralyǵynda Hıýston qalasynda ótedi. 17 komandadan quralǵan ulttyq quramada qatysýshylar Astana, Almaty, Shymkent, Oral, Qaraǵandy, Shýchınsk qalalary men Túrkistan oblysy atynan synǵa túsedi.

Robototehnıka – bilim berýdiń ózekti baǵyty: Mańǵystaý jastarynyń ınjenerlik izdenisi

Komandalar úsh jas sanaty boıynsha jarysady: FIRST LEGO League Explore (6-10 jas), FIRST LEGO League Challenge (10-16 jas) jáne FIRST Tech Challenge (12-18 jas).

FIRST Championship – jyl saıyn 110 elden 50 myńnan astam qatysýshyny biriktiretin iri halyqaralyq ınjenerlik-bilim berý alańy. Chempıonat seriktesteri qatarynda jetekshi tehnologııalyq kompanııalar men joǵary oqý oryndary bar, al jalpy granttyq qoldaý kólemi 80 mln dollardy quraıdy.

SQO-da IT-ortalyqtar ashyldy: Aýyl jastary robototehnıkany meńgeredi

Ulttyq qurama 2026 jylǵy aqpanda ótken Alem Tech Fest Ortalyq Azııa chempıonatynyń qorytyndysy boıynsha jasaqtalǵan. Jobany Daryn respýblıkalyq ǵylymı-praktıkalyq ortalyǵy jáne USTEM Foundation qoǵamdyq qory uıymdastyrǵan.