Máselen, Shyǵys Qazaqstan oblysynda Qazaqstan jol ǵylymı-zertteý ınstıtýty qyzmetkerlerimen «Semeı - Qaınar» respýblıkalyq mańyzy bar tas jolynyń 143 shaqyrymyndaǵy sý ótkizý qubyryn jeń ádisi arqyly kúsheıtý jobasyn ǵylymı-tehnıkalyq súıemeldeý júrgizilýde.
Atalǵan ádis qurylymdardy jol jabyndysyn ashyp, kólik qozǵalysyn toqtatpaı-aq jóndeýge múmkindik beredi. Gılza, ıaǵnı spıral tárizdi gofrlengen metaldan jasalǵan qubyr sý ótkizý qubyrynyń ishine ornatylady. Qalǵan keńistik betonmen toltyrylady. Nátıjesinde qatty, úsh qabatty qurylym jasalady. Ol eshqandaı jóndeýsiz 50 jylǵa deıin shydas beredi.
Budan bólek, gofrlengen metall qurylymdarynyń salmaǵy salystyrmaly túrde jeńil keletinin aıtyp ótken jón. Sondyqtan olardy jınaý ońaı. Demek, temirbetondy qurylymdarǵa qaraǵanda tez turǵyzylady.
Instıtýt ǵalymdary jobany súıemeldeý aıasynda atalǵan tehnıkalyq ádisti qazaqstandyq jaǵdaılardy eskere otyryp, avtomobıl joldaryn salý, rekonstrýksııalaý jáne jóndeý barysynda qoldanýdyń usynymdaryn jetildirýde.
Atap ótý qajet, sý ótkizý qubyrlary joldaǵy jasandy qurylymdardyń eń kóp sanattarynyń biri bolyp tabylady. Qazaqstandaǵy respýblıkalyq mańyzy bar tasjoldarda barlyǵy 15 myńnan astam sý ótkizý qubyry ornatylǵan.
