Atalǵan agenttiktiń tutynýshylar quqyǵyn qorǵaý departamentiniń dırektory Aleksandr Terentevtiń aıtýynsha, bankterge qatysty 1,4 mln teńgege 6 ákimshilik jaza qoldanylǵan. Saqtandyrý (qaıta saqtandyrý) uıymdaryna qatysty 277,8 myń teńge somasyna 1 ákimshilik aıyppul, al mıkroqarjy qyzmetimen aınalysatyn uıymdarǵa jalpy somasy 16,6 mln teńgege 29 ákimshilik jaza qoldanylǵan. Bul rette kollektorlyq agenttikterge 277,8 myń teńge kóleminde bir ákimshilik jaza qoldanylypty.
Qazan aıynda jeke jáne zańdy tulǵalardyń 1573 ótinishi qarastyrylǵan. Bul byltyrmen salystyrǵanda 7 paıyzǵa nemese 110 ótinishke kóp bolyp shyqty.
О́tinishterdiń basym bóligi bank sektoryna tıesili. Bankterdiń atyna joldanǵan ótinish barlyq ótinishtiń 76 paıyzyn quraıdy. Odan bólek mıkroqarjy qyzmetin júzege asyratyn uıymdardyń qyzmeti boıynsha – 12, saqtandyrý naryǵynyń sýbektileri men baǵaly qaǵazdar naryǵy sýbektileri boıynsha – 2 jáne kollektorlyq agenttikter – 4 men basqa uıymdar boıynsha – 4 paıyz ótinish kelip túsken.
