Parlament • 04 Jeltoqsan, 2020

Senatorlar reıderlikke jaýapkershilikti kúsheıtýdi usyndy

5 ret kórsetildi

Senatta "Jańa jaǵdaıdaǵy ekonomıkalyq damý: Qazaqstanda shaǵyn jáne orta kásipkerlikti damytý men qoldaý salasyndaǵy memlekettik saıasatty jáne quqyqtyq retteýdi jetildirý" taqyryby boıynsha parlamenttik tyńdaý boldy, dep habarlaıdy Egemen.kz

Senat Tóraǵasy Máýlen Áshimbaev óz sózinde otandyq bıznestiń mańyzdy máselelerine toqtaldy. Onyń aıtýynsha, sońǵy jyldary shaǵyn jáne orta bızneste belsendi sýbektilerdiń sany artyp keledi. Biraq oǵan qaramastan qazaqstandyq shaǵyn kásiporyndar qyzmetiniń negizgi salasy saýda bolyp qalyp otyr, kóptegen bıznes sýbektileri kóleńkede jumys isteýge bet burǵan. Orta bıznes sýbektileriniń sany qysqarýda. 2015 jyldan bastap mundaı kásiporyndardyń sany 13%-dan azaıyp ketti.

Senat Tóraǵasy bankterdiń shaǵyn jáne orta bızneske nesıe berýiniń azaıýyn, memlekettik qoldaý sharalary jónindegi aqparattyq-túsindirý jumystary deńgeıiniń tómendigin jáne ulttyq kompanııalardaǵy satyp alýǵa kásipkerler úshin qoljetimdi bolmaı otyrǵanyn jáne basqa da problemalar týraly aıtty.

1

Máýlen Áshimbaev sonymen qatar pandemııa kezinde elimizde bıznesti qoldaý jóninde qosymsha sharalar qabyldanǵanyn atap ótti.

"Memleket basshysy óziniń Joldaýynda shaǵyn jáne orta bızneske qosymsha kómek retinde keshendi qoldaý sharalaryn usyndy. Jeńildikpen beriletin nesıe kólemi aıtarlyqtaı ulǵaıdy. Nesıelerdi 6 paıyzǵa deıin tómendetý úshin memlekettik sýbsıdııa berilýde. Memlekettik organdar men kvazımemlekettik sektorǵa tıesili jyljymaıtyn múlik nysandaryn jalǵa alǵany úshin tólenetin jaldaý aqysy toqtatyldy. Eńbekaqy qoryna túsetin aýyrtpalyq jeńildetildi. Salyq kodesine birqatar mańyzdy túzetýler engizilýde. Shaǵyn jáne orta bıznesti eki jylǵa qosylǵan qun salyǵynan jáne áleýmettik salyqtan bosatý usynyldy. Prezıdent tapsyrmasy boıynsha tabystyń 3 paıyzy kóleminde bólshek salyq engiziletin boldy. Osy jáne basqa sharalar shaǵyn jáne orta kásipkerlikti damytýǵa óz úlesin qosatyny sózsiz", dedi Palata Tóraǵasy.

Senatorlar tyńdaýlarǵa daıyndyq barysynda Úkimetke shaǵyn jáne orta bıznes máselelerin sheshýge yqpal etýge arnalǵan birqatar usynystar ázirledi.

1

Palata depýtattary kásipkerlerdiń qyzmetine aralasqany úshin laýazymdy tulǵalarǵa jáne reıderlikke jaýapkershilikti kúsheıtýge baǵyttalǵan naqty sharalardy usyndy.

"Senatorlar laýazymdy tulǵalardyń kásipkerlerdiń qyzmetine aralasqany úshin jaýapkershilikti kúsheıtýge baǵyttalǵan sharalardy qoldaıdy. Elimizdiń Prezıdenti atap ótkendeı, kásipkerlik qyzmetke zańsyz kedergi jasaý memleketke qarsy aýyr qylmys retinde qarastyrylýy kerek. Memleket basshysynyń bul nusqaýyn zańnamaǵa birqatar ózgerister engizý arqyly júzege asyrýǵa bolady. Ákimshilik quqyq buzýshylyq týraly jáne Qylmystyq kodeksterge ózgerister engizý kózdelýde", dedi Máýlen Áshimbaev.

Sondaı-aq kásipkerlerdiń jer ýchaskelerine qol jetkizý sharttaryn jaqsartý usynyldy. Senat Tóraǵasy atap ótkendeı, usynylyp otyrǵan sharalardyń biri – bos jer ýchaskeleri men saýdaǵa shyǵarý jospary týraly aqparatty júıeleý jáne ınternet-resýrstar men basqa da alańdarda ornalastyrý arqyly meılinshe ashyqtyǵyn jáne qoljetimdiligin qamtamasyz etý bolyp otyr.

"Sondaı-aq, eldi mekenderdegi jerlerdiń nysanaly maqsatyn ózgertý rásimin, onyń ishinde artyq kelisý rásimderin alyp tastaý arqyly ońtaılandyrý usynylady, dedi ol.

Máýlen Áshimbaev mıkrokásipkerlik sýbektilerin jeke sanatqa bólý týraly bastamany jarııa etti.

1

"Ondaı erejeni Kásipkerlik kodeksinde bekitý usynylady. Ol tıisti baǵdarlamalar aıasynda mıkrobıznesti tıimdi jáne naqty qoldaýǵa, onyń ishinde jeńildetilgen jáne ońaılatylǵan nesıe berý arqyly yqpal etýge tıis", dedi Máýlen Áshimbaev.

Senat Tóraǵasy sondaı-aq "Bızneske arnalǵan Úkimet" biryńǵaı servısi men memlekettik qoldaý aqparattyq portalynyń jumysyn tıimdi qurýdyń mańyzdylyǵyn atap ótti.

"Adamdarǵa arnalǵan yńǵaıly ári túsinikti aqparattyq servısterdi jan-jaqty damytý qajet. Ondaı ónimder bızneske memlekettik qoldaý quraldaryn jaqsy baǵdarlaýǵa, jetkizýshiler men áriptesterdi izdestirýge jáne ónimdi sheteldik naryqtarǵa ilgeriletýge kómektesýi tıis", dedi ol.

Máýlen Áshimbaev sóziniń sońynda shaǵyn jáne orta bıznes salasyndaǵy zańnamany tolyq revızııalaý men júıeleý qajettigine basa nazar aýdardy.

1

"Memleket basshysynyń Úkimetke bergen tapsyrmasyn oryndaý aıasynda shaǵyn jáne orta bızneske qatysty zańnamaǵa tolyq revızııa jasap, júıelendirgen jón. Salyqtyq ákimshilendirýdi jetildirýdi jalǵastyrý qajet. Kásipkerlerdiń eseptiligin ońtaılandyrý úshin múmkindikterdi qarastyrǵan jón. Shekten tys bıýrokrattanýdy, qaıtalanýdy, qarama-qaıshylyqtardy boldyrmaý, bıznesti negizgi qyzmetten alańdatpaý kerek", dedi Senat Tóraǵasy.

Sharaǵa Parlament depýtattary, ortalyq memlekettik jáne jergilikti atqarýshy organdardyń basshylary, "Atameken" UKP, bıznes jáne halyqaralyq uıymdardyń ókilderi, elimizdegi Kásipkerler quqyqtaryn qorǵaý jónindegi ýákil, sondaı-aq Senat janyndaǵy Jas sarapshylar klýbynyń músheleri qatysty. Parlamenttik tyńdaýdy Senattyń Ekonomıkalyq saıasat, ınnovasııalyq damý jáne kásipkerlik komıtetiniń tóraǵasy Dáýren Ádilbekov júrgizdi. Parlamenttik tyńdaýdyń qorytyndysy boıynsha ázirlengen usynymdar Úkimetke jiberiletin boldy.

Sońǵy jańalyqtar

Oqýshy neden kóz jumdy?

Qoǵam • Búgin, 19:35

Qostanaıda qurylys alańy otqa orandy

Aımaqtar • Búgin, 18:55

Dollardyń erteńgi baǵamy belgili boldy

Ekonomıka • Búgin, 18:00

Qaraǵandy oblysynda zeınetkerler tonaldy

Aımaqtar • Búgin, 16:37

О́z týystaryn tonaýshylar kóbeıgen

Aımaqtar • Búgin, 16:07

Elordada qylmys sany 20%-ǵa azaıǵan

Aımaqtar • Búgin, 15:24

BQO: Balany qar úıindisi basyp qaldy

Aımaqtar • Búgin, 15:12

Indet juqtyrǵandar sany kóbeıdi

Koronavırýs • Búgin, 13:58

Aldaǵy kúnderi qar jaýyp, kún jylynady

Qazaqstan • Búgin, 12:47

Uqsas jańalyqtar