Bul týraly Shymkent qalasynyń ákimi Murat Áıtenov Prezıdent janyndaǵy OKQ alańynda ótken baspasóz brıfıng kezinde baıandady.
– Qalada kásipkerlerdiń qarjylyq jaǵdaıyn qalpyna keltirý úshin 1 482 sýbektiniń 13 mlrd teńge nesıe tólemderin keıinge qaldyrýǵa qoldaý kórsetildi. Qazir qala boıynsha jalpy óńirlik ónimdegi shaǵyn jáne orta bıznestiń úlesi 28,4 paıyzdy qurap otyr, – dep kórsetti Murat Áıtenov.
Sonymen qatar, bıyl "Bıznestiń jol kartasy-2025" aıasynda bólinetin qarjyny 2 esege ulǵaıtyp, 5,4 mlrd teńge bólingenin jetkizdi.
Aıta keteıik, qalada 72 myńnan astam shaǵyn jáne orta kásipkerlik sýbektilerinde 160 myńnan asa adam turaqty jumyspen qamtylǵan.
