Ázirge satylym boıynsha Lada Granta kósh bastap tur. Jyl basynan beri reseılik kóliktiń 6635 danasy satylǵan. Odan keıingi orynda 5726 satylymmen Ravon Nexia. Úzdik úshtikti Hyundai Tucson túıindeıdi. Káris kóliginiń 3795 danasy satylypty.
TOP-5 qataryna Toyota Camry (3 714) men Lada Vesta (3 531) kirgen. Olardan bólek alǵashqy ondyqta Hyundai Accent (3 443), Chevrolet Cobalt (2 905), KIA Rio (2 822), Lada 4h4 (2 705) jáne Hyundai Creta (2 561) kólikteri bar. Jalpy alǵanda 633,6 mlrd teńgege 70,5 myńnan astam sý jańa kólik qazaqstandyqtardyń enshisine tıgen.
Osyǵan qarap qazaqstandyqtardyń baǵa óskenine qaramastan kólik satyp alýdan bas tartpaǵanyn baıqaımyz. Máselen, jyl basynda Lada Granta 3,67 mln teńge tursa, onda qarasha aıynda onyń baǵasy 3,69 mıllıonǵa jetken. Byltyr tipti arzan bolǵan. 2019 jyly el turǵyndary Reseı kóligin 2,84 mln teńgege satyp alǵan. Iаǵnı, byltyrmen salystyrǵanda bıyl Lada Granta 29,7 paıyzǵa qymbattapty.
Reseı markasymen belsendi básekelesip kele jatqan Ravon Nexia kóliginiń de baǵasy jyl basynan beri edáýir ósken. Biraq byltyrmen salystyrǵanda arzandaǵan. Bul rette qańtar aıynan beri Lada 4x4 – 21,2 paıyzǵa qymbattasa, Hyundai Accent 4,7 paıyzǵa arzandaǵan. Sonymen qatar Hyundai Creta avtokóligi baǵasynyń da arzandaýy baıqalady.
Qazaqstandyqtar erekshe baǵalaıtyn taǵy bir kólik túri – Chevrolet Cobalt baǵasy 4,19 mln teńge eken. Ol osylaısha, Toyota LC Prado kóligin yǵystyryp shyǵarǵan. Al Toyota Camry ázirge eń qymbatqa satylatyn kólikter kóshin bastaýdy jalǵastyryp tur. Japon kóliginiń baǵasy – 10,87 mln teńge.
