«Máskeýdiń 70 emhanasynda COVID-19-ǵa qarsy vaksına egý bastaldy. Vırýs juqtyrýy múmkin degen toptaǵy azamattar ózderiniń kásibı qyzmetine baılanysty kúnine júzdegen adammen baılanysta bolady. Qazirgi ýaqytta vaksına menshik nysanyna qaramastan medısınalyq jáne bilim berý mekemeleriniń, sondaı-aq qalalyq áleýmettik uıymdardyń barlyq qyzmetkerlerine salynyp jatyr» dep habarlaǵan qalalyq koronavırýs jaǵdaıyn baqylaý jónindegi jedel shtabtyń ókilderi.
Turǵyndarǵa bul jańalyqty SMS-habarlama arqyly taratqan. Vaksına alǵysy kelgender arnaıy portalda tirkelýi kerek. Ekpe jasaýǵa bolatyn kabınetter kún saıyn saǵat 08:00-den 20:00-ge deıin jumys isteıdi. Máskeý emhanalaryna tirkelgen 18 jastan 60 jasqa deıingi adamdar koronavırýsqa qarsy vaksına ala alady. Alaıda bul 60 jastan asqan adamdar úshin múmkin bolmaı tur.
Vaksına alýdyń da belgili sharttary bar. Ekpe alǵysy kelgenderdiń sozylmaly aýrýlary bolmaýy kerek nemese sońǵy eki aptada JRVI-men aýyrmaǵan bolýlary shart. Sondaı-aq tumaýǵa nemese basqa da indetterge qarsy alǵan sońǵy vaksınadan kem degende 30 kún ótýi kerek. Júkti jáne bala emizetin áıelder de vaksına ala almaıdy.
