Sońǵy kezderi qoǵamda korporatıvtik volonterlik qyzmet týraly jıi aıtylyp júr. Sol sııaqty bógde úkimettik emes uıymdar, memleket-jekemenshik áriptestik, ózge de ınstıtýttar uıymdastyratyn halyqqa paıdaly bolýdy, qaıyrymdylyqty maqsat etken áleýmettik is-sharalarǵa qyzmetkerlerdi erikti negizde tartýdy meńzeıtin bul shara el ishindegi kompanııalarda qoldanysqa ene bastady.
Ulttyq volonterlik jeli qyzmetkerleriniń aıtýynsha, korporatıvtik volonterlik – bul uıym qyzmetkerleriniń óz kompanııasynyń qoldaýymen túrli áleýmettik baǵdarlamalarǵa erikti túrde qatysýy. Al atalǵan zertteýdiń maqsaty Qazaqstanda korporatıvtik volonterlikti damytýdyń oń tájirıbelerin zerdeleý.
«8 aı ishinde Ulttyq volonterlik jeli Qazaqstan kompanııalary arasynda korporatıvtik volonterliktiń úzdik tájirıbelerin zerttedi. Zertteýge korporatıvtik volonterlikti damytýǵa qatysy bar 100-den astam túrli kompanııa qatysty. Saýalnamaǵa 400 korporatıvtik volonter, 70 úkimettik emes uıym ókili jáne korporatıvtik volonterlikke jetekshilik etetin 30-dan astam basshy qatysty. Bul qyzmetke negizinen iri bıznes ókilderi tartyldy», deıdi volonterler.
Konferensııada «TJ jáne ekologııalyq baǵyttar korporatıvtik volonterlikte», «Korporatıvtik volonterliktegi áleýmettik baǵyt», «Holdıngte korporatıvtik mádenıetti (korporatıvtik volonterlikti) damytý» taqyryptaryna baıandamalar jasaldy.
«Osy joba aıasynda Qazaqstannyń korporatıvtik volonterlikti damytýda qandaı kezeńde turǵanyn jáne kelesi sapaly deńgeıge ótý úshin qandaı qadamdar qajet ekenin túsinýge kómektesetin usynystar daıyndaldy. Zertteýdiń qorytyndylary men usynymdary múddeli tulǵalarǵa paıdaly bolady. О́ıtkeni birlesken kúsh-jiger korporatıvtik volonterlikti damytýǵa jáne Qazaqstandaǵy volonterliktiń jańa deńgeıine qol jetkizýge yqpal etedi», dep atap ótti Aqparat jáne qoǵamdyq damý mınıstrliginiń Azamattyq qoǵam isteri komıtetiniń tóraǵasy Madııar Qojahmet.
