B. Saǵyntaevtyń málimetinshe, turaqtandyrý qoryn qurý úshin 10 mlrd teńge bólindi. Onyń 5 mlrd teńgesi aýrýhanalar men emhanalardy dári-dármekpen qamtamasyz etýge, 5 mlrd teńgesi dárihanalardy dárilik preparattarmen úzdiksiz qamtamasyz etýge arnalǵan. Búgingi tańda 68 ataý boıynsha azaıtylmaıtyn eń tómengi qor 8 mln dárilik preparatty quraıdy.
Sonymen birge, jeke qorǵanysh quraldarynyń eki aılyq qory qurylǵan. 4,7 mln JQQ bar, «SK-farmasııadan» 4,6 mln JQQ kelip túsýi kútilýde. Sonymen qatar, qalada kúndelikti qýaty 1 mln birlikti quraıtyn medısınalyq betperdeler óndirisi jolǵa qoıylǵan.
