Olardyń kúndelikti eńbeginiń arqasynda elordada quqyqbuzýshylyqtar sany azaı̆dy. Qala aýdandary boı̆ynsha 30-dan astam ýchaskelik polısııa pýnktteri ornalasqan. Olardyń keı̆bireýi jóndeýdi qajet etse, keı̆bireýi jańadan salyndy.
Búgin polısııa departamentiniń bastyǵy Erjan Sadenovpen birge eski, jańa ǵımaratty qajet etetin ýchaskelik polısııa beketterin qarap shyqtyq. Olardy jóndep, ne basqa úı̆-jaı̆lardy usyný qajet.
Máselen, eski vokzal aýdanynda Gete kóshesinde ornalasqan ýchaskelik pýnkt turǵyndar kóp júginetin pýnktterdiń biri, óı̆tkeni onda poezd, qalaaralyq avtobýstarǵa baı̆lanysty adamdardyń úlken aǵyny baı̆qalady. Sondaı̆-aq Dúkenuly, Áýezov meken-jaı̆larynda ornalasqan ýchaskelik pýnktterge bardyq.
Úı̆-jaı̆lary eskirgen tirek pýnktteri qyzmetkerleriniń ornalasý oryndaryn anyqtaýdy tapsyrdym.
Bıyl polısııanyń ýchaskelik pýnktteriniń bir bóligi jóndeldi, ótken jyldyń jazynda 400-den astam qyzmetker eńbek etip jatqan Esil aýdanynyń polısııa basqarmasyna jańa ǵımarat berildi. Sonymen qatar, avtoparkti jańartyp jatyrmyz, tek osy jyldyń kúzinde ǵana polıseı̆lerge qosymsha 65 avtokólik berildi. Jańa turǵyn úı̆lerdiń birinshi qabattarynda áleýmettik nysandardan basqa polısııanyń tirek pýnktterin ashamyz.
Memleket basshysy jergilikti polısııa qyzmetin reformalaý aıasynda ýchaskelik ınspektorǵa basty ról júkteletinin, qyzmet "polısııa qadamdyq qoljetimdilik" qaǵıdaty boı̆ynsha jumys isteýi tıistigin atap ótti.
Beı̆indi memlekettik organdarmen birlesip, polısııa departamenti qyzmetkerleriniń eńbek jaǵdaı̆laryn jaqsartý boı̆ynsha jumysty júı̆eli negizde jalǵastyramyz.
