Megapolıs ákimi B.Saǵyntaev habarlaǵandaı, 1 jeltoqsandaǵy jaǵdaı boıynsha Almatyda 77,6 myń jańa, sonyń ishinde 36,9 myń turaqty jumys orny quryldy. Kásipkerlik sýbektilerimen 29,8 myń jumys orny ashyldy.
«Almaty ákimdigimen júzege asyrylǵan daǵdarysqa qarsy sharalar paketi azamattardyń jumys oryndary men kiristerin saqtaýǵa, ShOB qoldaýǵa, óndiristik tizbektegi jańa tapsyrystardy yntalandyrýǵa baǵyttalǵan», - dep atap ótti Almaty ákimi Baqytjan Saǵyntaev.
Barlyq memlekettik baǵdarlamalar aıasynda 47,8 myń jumys orny quryldy. Onyń ishinde «Eńbek» memlekettik baǵdarlamasy boıynsha – 18 648 oryn, «Jumyspen qamtýdyń jol kartasy-2020» – 21 689, «Bıznestiń jol kartasy-2025» – 3 540, «Qarapaıym zattar ekonomıkasy» – 1 419, óńirlerdi damytý – 824, «Nurly jer» – 455, ındýstrııaldy-ınnovasııalyq damý – 869, bilim men ǵylymdy damytý – 70.
«Bıznestiń jol kartasy-2025» memlekettik baǵdarlamasy boıynsha 102 mlrd teńgege 556 jobaǵa qoldaý kórsetildi. «Qarapaıym zattar ekonomıkasy» baǵdarlamasy boıynsha 1,4 myń turaqty jumys ornyn qurý arqyly 121,2 mlrd teńgege 66 joba maquldandy.
«Jumyspen qamtýdyń jol kartasy» boıynsha aǵymdaǵy jyly 21,7 myń jumys ornyn qurý arqyly 228 joba júzege asyrylýda. Sonyń ishinde Jumyspen qamtý ortalyǵy arqyly shamamen 10,7 myń jumyssyz eńbekpen qamtyldy.
Sonymen qatar, Almatynyń Indýstrıaldy aımaǵynda 6,5 myń jumys ornyn qurýmen 200 mlrd.teńgege 53 joba júzege asyrylýda. Búgingi tańda 2 348 jumys ornyn qurýmen 63,5 mlrd.teńgege 13 joba iske asyryldy. Jyl sońyna deıin 453 jumys ornyn qurýmen 17,3 mlrd teńgege 6 jobany iske qosý josparlanýda.
Sonymen qatar, «ITP» AEA bazasynda farmasevtıkalyq preparattar, medısınalyq buıymdar men tehnıka óndirisin qamtıtyn joǵary tehnologııalyq ındýstrııalardy damytý boıynsha jumys jandandyrylýda. Sondaı-aq, munda aqparattyq-kommýnıkasııalyq tehnologııalar men bilim berý, medısına, aspap jasaý salasyndaǵy jobalar iske asyrylýda. Bul jobalardy iske asyrý 400 mlrd teńge ınvestısııa tartýǵa jáne 6 myń jańa jumys ornyn qurýǵa múmkindik beredi.
ALMATY
