Bireý satýshyǵa batyl baryp, sapasyz ónimdi satyp alǵan jaǵdaıda buzylǵan quqyqtardy qalpyna keltirýdi talap etedi. Al keıbireýleri jaı aralaspaǵandy jón kóredi, óıtkeni olar kóbinese óz quqyqtaryn bilmeıdi.
Taýar-aqsha qatynastary sheńberinde kóptegen «yńǵaısyz» jaǵdaılar bar. Ádette, dúkender men sýpermarketterde olar aqaýly taýarlardy ońaı aýystyrady nemese aqshasyn qaıtarady: jyrtylǵan sút qoraby, sapasyz nemese merzimi ótip ketken ónimder jáne t.b. Olar kıim-keshekter nemese aıaq kıimder sizdiń talǵamyńyz ben stılińizge sáıkes kelmese, aqshasyn tolyq qaıtaryp beredi. Mundaı jaǵdaıda eń mańyzdysy – sizde taýardyq nemese fıskaldy túbirtek bolý qajet jáne qaıtarýdy 14 kúnnen keshiktirmeý kerek.
Qazaqstandyq zańnamaǵa sáıkes, azamattar taýarlarǵa aqshany qaıtarýǵa nemese ónim tıisti sapada bolsa da aıyrbastaýǵa quqyly. Ádette, bul azyq-túlik emes ónimderde bolady, eger sizge túsi, ólshemi nemese stıli sáıkes kelmese. Sonymen qatar satyp alynǵan ónimdi paıdalanýǵa úlgermegenińiz jáne satyp alý faktisi boıynsha qujattardy saqtaǵanyńyz mańyzdy bolyp tabylady. Bul ereje dári-dármekterge, shulyqtarǵa, ish kıimderge, metrlik taýarlarǵa, ósimdikter men janýarlarǵa, uıaly baılanys abonenttik qurylǵylaryna qoldanylmaıdy.
Eger satýshyda (óndirýshide) suranys usynylǵan kezde aýystyrý úshin qajetti taýarlar bolmasa, aýystyrý osyndaı talap týyndaǵan kúnnen bastap kúntizbelik on kún ishinde júrgizilýi kerek.
Saraptamanyń egjeı-tegjeıine jeke toqtalǵanjón. Qaıtarylǵan taýarlardyń sapasyn qosymsha tekserýdiń qunyn satýshy tóleıdi. Eger taýarlarǵa osyndaı saraptama júrgizý nátıjesinde taýarlarda aqaýlar joq ekendigi nemese tutynýshyǵa taýarlardy bergennen keıin paıdalanýdyń, saqtaýdyń nemese úshinshi tulǵalardyń is-áreketteriniń nemese fors-majorlyq jaǵdaılardyń belgilengen erejelerin buzý saldarynan týyndaǵany anyqtalsa, tutynýshy satýshyǵa saraptama júrgizý shyǵyndaryn, sondaı-aq ony ótkizýge baılanysty shyǵyndardy, júk tasymaldaý shyǵyndaryn óteýge mindetti.
Tutynýshy taýardyń sapasyn baqylaýǵa jáne saraptamaǵa jeke ózi nemese óziniń ókili arqyly qatysýǵa, sondaı-aq taýarlardy óz esebinen saraptamadan ótkizýge quqyly.
О́nimdi nemese qosalqy buıymdy aýystyrý kezinde kepildik merzimi, eger ol kelisimshartta ózgeshe kózdelmese, ony tutynýshyǵa bergen kúnnen bastap qaıta esepteledi.
Buzylǵan, aqaýly ónimdi qaıtarý nemese aıyrbastaý erejeleri jeńildikti nemese ónimdi jóndeýge tólem tóleýdi boljaıdy. Erekshelikteri kelesi bolyp tabylady:aqaýlarysatyp alý kezinde jarııalanǵan jáne taýarlar jeńildikpen satylǵan kezde nemese satyp alýshynyń ózi paıdalaný erejelerin buzǵan jaǵdaılarda.
Satyp alý týraly jáne saýda mekemesinde bolý jaıly sýret túsirseńiz jaqsy bolar edi. Esińizde bolsyn, dúkenderde sýretke túsirýge tyıym salynbaıdy. Eger chek joǵalyp ketse nemese berilmese, bul sizge úlken kómek bolady. Joǵalǵan chek, árıne, qaıtarý men aıyrbastaýda qıyndyq týdyrady. Keıbir jaǵdaılarda jaramdylyq merzimin dáleldeý nemese kepildik merzimin dál belgileý mańyzdy bolyp tabylady. Chek bolmaǵan kezde muny isteý óte qıyn.
Satyp alýshy jaramdylyq merzimi nemese kepildigi áli de jalǵasatyn ónim buzylǵan jaǵdaıda onyń aqaýlary týraly málimdeýge quqyly ekenin bilýińiz kerek. Sondyqtan kepildik talonyn árdaıym saqtaý qanshalyqty mańyzdy ekendigi túsinikti. Kepildeme bolmaǵan jáne shyǵarylǵan kúni belgisiz jaǵdaılarda qaıtarý satyp alynǵan kúnnen bastap eki jyl ishinde júzege asyrylady. Erekshelikteri satýshylarmen jeke talqylanady jáne ol kelisimderde qarastyrylǵan. Jaramdylyq merzimi aıaqtalǵannan keıin, eki jyldan az ýaqyt ótken soń, taýarlar qaıtarylýǵa jatady. Biraq siz ónimniń zaqymdanýy satyp alýdan buryn bolǵanyn dáleldeýińiz kerek.
Joǵaryda aıtylǵandardy qorytyndylaı kele, fıskaldy nemese taýarlyq túbirtektiń sheshýshi róli týraly, osy saýda núktesinde satyp alý týraly fotosýretti jasaý jaıly taǵy bir ret eske salý ǵana qalady. Sizdiń quqyǵyńyzdy qorǵaý úshin kepildeme nemese merzim aıaqtalǵanǵa deıin túbirtekterdi jáne satyp alýǵa baılanysty barlyq qujattardy saqtaǵanyńyz jón. Sonda sizdiń isińizdi dáleldeý jáne aqshany qaıtarý nemese ónimdi aıyrbastaý ońaı bolady.
Eger satýshy aqshany qaıtarýdan bas tartsa, azamattar tutynýshylardyń quqyqtarynyń buzylǵandyǵy týraly tutynýshylardyń quqyqtaryn qorǵaý komıtetine Telegramm-bot kzpp_bot, elektrondy úkimet portaly https://egov.kz/cms/ru/services/citizen_and_the_government/e_app, jedel jeli arqyly habarlaı alady +7 (7172) 75-06-42, 75-16-32, 74-98-32, 74-98-36 nemese jazbasha ótinish jaza alady. Sonymen qatar osyǵan baılanysty qazaqstandyqtar tutynýshylardyń quqyqtaryn qorǵaýdyń biryńǵaı aqparattyq júıesin qoldana alady. Tutynýshylardyń quqyqtaryn qorǵaýdyń biryńǵaı aqparattyq júıesiniń qanatqaqty jobasy iske qosylǵan, júıege uıaly telefon nemese kompıýter arqyly weask.kz saıtyna kirýge bolady. Tutynýshylar aqyldy júıeni paıdalana otyryp, ýákiletti organǵa habarlaspas buryn satýshymen máseleni tikeleı sheshýge tyrysa alady. Alaıda eger 10 kún ishinde satýshy shaǵymǵa jaýap bermese, ol tutynýshylardyń quqyqtaryn qorǵaý komıtetine túsedi. Sondyqtan quqyqtaryńyzdy qorǵaýǵa ábden bolady, bastysy ony qalaı jasaý kerektigin bilý.
