Medısına • 08 Jeltoqsan, 2020

Almatydaǵy jedel járdem dıspetcherleri men sanıtarlary qosymsha jalaqy alady

445 ret kórsetildi

Bul týraly Almaty qalasynyń О́ńirlik kommýnıkasııalar qyzmeti alańynda ótken onlaın-brıfıng barysynda Almaty qalalyq jedel medısınalyq járdem stansııasynyń bas dárigeri Birjan Ospanov habarlady, dep jazady Egemen.kz

Bas dáriger 163 myń teńgeni quraıtyn jan basyna qarjylandyrý qarastyrylǵanyn habarlady. Kelesi jyly eńbekaqy tóleý qoryn ulǵaıtý arqyly jalaqy mólsherin 30%-ǵa arttyrýdy kózdelgen.

Sondaı-aq, B.Ospanov QR Densaýlyq saqtaý mınıstrliginiń koronavırýs ınfeksııasyn juqtyrý qaýpi úshin tólemder týraly buıryqqa qol qoıǵanyn atap ótti. Buıryqqa sáıkes koronavırýs ınfeksııasyn juqtyrý qaýpi úshin tólemder 1-3 sanattaǵy medısına qyzmetkerlerine taǵaıyndaldy. 2 sanatqa 425 myń teńgeden alatyn jedel medısınalyq járdem dárigerleri men feldsherleri, sondaı-aq 3 sanat boıynsha 212 myń teńge alatyn júrgizýshiler jatady.

"Infeksııa juqtyrǵan jaǵdaıda qosymsha tólemder alatyn adamdardyń tizimine kimderdiń kirmeıtini týraly birneshe ret aıtyldy. Buıryqqa 415 adam kirmegen – bul dıspetcherler. Almaty qalasy ákiminiń qoldaýynyń arqasynda biz jergilikti bıýdjetten dıspetcherler, sanıtarlyq qyzmetkerler úshin jalaqyǵa qosymsha 212 myń teńge mólsherinde 3 sanat boıynsha tólem ala aldyq. Osynyń barlyǵy materıaldyq jaǵdaıdy ǵana emes, jedel medısınalyq kómektiń de damýyn jaqsartady", dep atap ótti B.Ospanov.

Sonymen qatar, B.Ospanov jedel járdem kólikteriniń júrgizýshileri barlyq jeke qorǵanys quraldary: qolǵaptar, maskalar, obaǵa qarsy kostıýmder, bir rettik kostıýmder, antıseptıkter, dezınfeksııalyq quraldarmen jabdyqtalǵanyn atap ótti.

Esterińizge sala keteıik, buǵan deıin Almaty ákimi Baqytjan Saǵyntaev OKQ brıfınginde osy jyldyń 9 aıynda jalpy somasy 14 mlrd.teńgeden astam somaǵa tólemder júrgizilgenin aıtqan bolatyn. Osy kezeńde aı saıyn 3,5 myńnan 7,5 myńǵa deıin medısına qyzmetkerleri ústeme aqy aldy.

Sońǵy jańalyqtar

Almaty mańynda jer silkindi

Aımaqtar • Keshe

Sý aıaǵy qurdymǵa kete me?

Aımaqtar • Keshe

Kók túrkiniń kózi

Tarıh • Keshe

Tólge toly Taıketken

Ekologııa • Keshe

15 mamyr – Halyqaralyq otbasy kúni

Qoǵam • 15 Mamyr, 2021

Semeıde eki jeńil kólik soqtyǵysyp qaldy

Aımaqtar • 15 Mamyr, 2021

Uqsas jańalyqtar