Medısına • 08 Jeltoqsan, 2020

Túrkistanda 200 oryndyq ınfeksııalyq aýrýhana paıdalanýǵa beriledi

35 ret kórsetildi

Densaýlyq saqtaý mınıstrliginiń eldegi epıdemııalyq ahýaldy baǵalaý kórsetkishteri boıynsha Túrkistan oblysy "jasyl aımaq" deńgeıinde tur. О́ńirde 1 tamyz ben 7 jeltoqsan aralyǵynda pnevmonııa aýrýymen – 873, al COVID-19 indetin juqtyrǵan 3517 jaǵdaı tirkelgen, dep habarlaıdy Egemen.kz

О́ńirlik kommýnıkasııalar qyzmetinde ótken brıfıngte oblystyń bas sanıtarııalyq dárigeri Nurbek Nyshanov búginge deıin koronavırýs indetin juqtyrǵandardyń 1332-si sımptomdy, 2185-i sımptomsyz jaǵdaıdaǵy naýqastar ekenin aıtty.

"Onyń búginde 3415-i stasıonarda jáne úı jaǵdaıynda emdelip shyqty. Qazirgi tańda 10 adam stasıonarlyq em qabyldaýda, 44 azamat ambýlatorııalyq jaǵdaıda emdelýde. Qarym-qatynasta bolǵan 231 adam medısınalyq baqylaýda", dedi N.Nyshanov.

Al oblystyq qoǵamdyq densaýlyq basqarmasynyń basshysy Marat Pashımov koronavırýs indetiniń ekinshi tolqynyna óńir tolyqqandy daıyn ekenin aıtty.

"Búginde oblysta 600 ınfeksııalyq jáne 340 karantındik tósek - oryn uıymdastyrylǵan. Qajettilik týyndaǵan jaǵdaıda tósek-oryn sanyn 5610-ǵa deıin ulǵaıtýǵa múmkindik bar. Aýrýhanalar 2 aıǵa jetetin dári-dármek qorymen jáne qajetti medısınalyq qural-jabdyqtarmen qamtamasyz etilgen. Sondaı-aq Túrkistan qalasynda jyl sońyna deıin 200 oryndyq jańa ınfeksııalyq aýrýhanany paıdalanýǵa berý josparlanýda", dedi basqarma basshysy.

Qazirgi tańda óńir turǵyndaryn dárilik zattarmen medısınalyq buıymdarǵa qoljetimdiligin qamtamasyz etý úshin bólshek saýda dárihanalary arqyly jergilikti turaqtandyrý qory qurylyp, oblys bıýdjeti esebinen 349 mln teńge bólingen.

Sońǵy jańalyqtar

Vaksına saldyrǵandar sany artty

Koronavırýs • Keshe

905 adamnan koronavırýs anyqtaldy

Koronavırýs • Keshe

Uqsas jańalyqtar