Qyzmettiń mindeti otbasylyq qundylyqtar men moraldyq-psıhologııalyq ahýaldy nyǵaıtý, áskerı qyzmetshiler otbasylarynyń rýhanı-adamgershilik pen mádenı-turmystyq qajettilikterin zerdeleý jáne qanaǵattandyrý bolyp tabylady.
2020 jyl tek áskerı qyzmetshilerge ǵana emes, olardyń otbasy múshelerine de synaq boldy. Tótenshe jaǵdaı kezinde barlyq garnızondarda áskerı qyzmetshilerdiń otbasylaryn qoldaý jumystary uıymdastyryldy.
Áskerı qyzmetshilerdiń balalaryn qashyqtyqtan oqytý máseleleri erekshe nazarǵa alyndy. Kóp balaly otbasylardan shyqqan balalar úshin qosymsha online-sabaqtar ótkizildi.
Eseptik kezeńde 114 áskerı qyzmetshiniń jubaıynyń jumysqa ornalasýyna, 301 áskerı qyzmetshige qyzmettik turǵyn úı alýǵa jáne olardy keńeıtýge kómek kórsetildi, 462 qaıyrymdylyq aksııasy uıymdastyryldy. Áskerı qyzmetshilerdiń balalary úshin 474 úıirme men sport seksııasy jumys isteıdi. Oǵan 5 myńnan astam balalar men jasóspirimder qatysýda.
Onlaın-formatta ótken jıyn barysynda psıhologtardyń jumysyn jetildirý máseleleri talqylandy, tulǵa aralyq qatynastar salasyndaǵy sarapshymen sheberlik synyby men trenıng ótkizildi. Shara úzdik qyzmet basshylaryn marapattaýmen aıaqtaldy.
"Men qyzmet atynan Qorǵanys mınıstrliginiń basshylyǵyna bizdiń jumysymyzǵa bergen joǵary baǵasy úshin alǵys aıtqym keledi. Barshańyzǵa ashyq aspan, jaqsylyq tileımin", dep Tyl bastyǵy jáne qarý-jaraq basqarmasyna qarasty áskerı qyzmetshilerdiń otbasy múshelerimen jumys jónindegi basshynyń kómekshisi Svetlana Kartavseva alǵan áserimen bólisti.
