Elorda • 09 Jeltoqsan, 2020

Elordada qylmys deńgeıi 37% tómendedi

33 ret kórsetildi

Antikor.live jobasynda Nur-Sultan qalasynyń mamandandyrylǵan aýdanaralyq ákimshilik sotynyń sýdıasy Aıgúl Qaıdarova elordada 10 myń turǵynǵa shaqqanda qylmys deńgeıi 40,2% tómendegenin málim etti, dep habarlaıdy Egemen.kz

"Nur-Sultan qalasynda "Zorlyq-zombylyqsyz 16 kún" aksııasy ótip jatyr. Aksııa 25 qarashada bastalǵan. Búgin osy aksııany qorytyndylaımyz. Osy Antıkor ortalyǵymen birlese jumys isteýdegi maqsat – halyqty aqparattandyrý, ıaǵnı sizderdiń platforma arqyly atqarylyp jatqan jumys týraly aqparat berý. Osy jyldyń 11 aıy boıynsha aqparat berip ótsek, áıelderdiń zańdy quqyqtary men múddelerin qorǵaý máselesi Memleket basshysynyń baqylaýynda jáne bul másele osy jyldyń 1 qyrkúıeginde Qazaqstan halqyna Joldaýynda da kórinis tapqan bolatyn. Qazirgi ýaqytta turmystyq zorlyq-zombylyq faktileriniń ósýi baıqalady. Oǵan sebep – bıyl pandemııaǵa baılanysty adamdardy oqshaýlaýǵa májbúrleý jaǵdaıy. Pandemııa kezinde bir bólmeli páterde birneshe otbasy múshesi birge turǵan jaǵdaılar boldy. Sebepsiz dúkenge, dalaǵa shyqpaý týraly talaptar, kóp adamnyń jumyssyz qalýy balaǵa da, eresekterge de keri áserin tıgizdi. Osy sebepti turmystyq zorlyq-zombylyq faktileri artty", deıdi Aıgúl Qaıdarova.

Onyń aıtýynsha, 11 aıdyń qorytyndysy boıynsha qylmystyń tirkelýi 37,1% tómendedi.

"Qazirgi tańda bizde qylmysty ashý jaqsy jolǵa qoıylǵan. Qazir sıfrlyq tehnologııa zamany, sondyqtan qylmysty ashý burynǵy jyldarmen salystyrǵanda áldeqaıda ońaı. Qylmystyń aldyn alý sharalary boıynsha jumystar da kúsheıtildi. Qazirgi ýaqytta polısııa qyzmetkerleri 24/7 rejıminde jumys isteıdi. Jalpy, turmystyq salada jasalatyn quqyq buzýshylyq, qylmystyń kóbi alkogol ishimdiktiń kesirinen oryn alady. Elordada 10 myń turǵynǵa shaqqanda qylmys deńgeıi 40,2% tómendedi", deıdi ol.

Sońǵy jańalyqtar

Jyl sózi

Álem • Keshe

Quldyramaıtyn qundylyq

Tanym • Keshe

UQK jasyryn esirtki zerthanasyn anyqtady

Qazaqstan • 22 Qańtar, 2022

Úndistanda záýlim ǵımarat órtendi

Álem • 22 Qańtar, 2022

Uqsas jańalyqtar