Máselen, osy jyldyń 7 jeltoqsan kúni polısııaǵa Qyzylorda qalasynda turatyn 38 jastaǵy azamatshadan aryz tústi. Aryzdanýshynyń aıtýynsha, osydan birneshe jyl buryn "jumysqa turǵyzyp, páter alyp beremin" degen tanysynyń sózderine sengen ol 5 mıllıon 400 myń teńge bergen. Arada aılar, jyldar ótken. Biraq ýáde etilgen ıa jumys, ıa páter joq. Alaıaqtyń arbaýyna túskenin túsingen azamatsha polısııaǵa júginedi.
Turǵynnyń aqshasyn alyp, aldap ketken alaıaqty izdestirý jumystary júrgiziledi. Nátıjesinde ońaı oljaǵa kenelgisi kelgen 24 jastaǵy qala turǵyny ustaldy. Búgingi tańda oǵan qatysty Qazaqstan Respýblıkasy Qylmystyq kodeksiniń 190 – babynyń 3 – bóligimen (Iri mólsherde jasalǵan alaıaqtyq) sotqa deıingi tergep – tekserý amaldary júrgizilýde.
