"Bul shekteý sharalary jalǵasady. Lokdaýn adamdarǵa qanshalyqty qıyn bolǵanyn kórdińizder. Onyń qaıtalanǵany kimge kerek? Meniń oıymsha, biz buǵan jol bermeýimiz qajet. Jol bermeý sizge jáne maǵan, sondaı-aq qoǵamnyń árbir múshesine tikeleı baılanysty. Al merekelik demalysty otbasymen ótkizgen durys. Turǵyndardyń birazy jańa jyldyq merekeler aldynda dúkender, saýda ortalyqtaryna jıi baratyny anyq. Osy tar dálizdi keńeıtý úshin biz iri sýpermarketterdi táýlik boıǵy jumys rejimine aýystyrýdy oılastyryp jatyrmyz", dep túsindirdi Altaı Kólginov.
Osylaısha, turǵyndar keshki segizge deıin dúkenge úlgerýge asyqpaı, mereke aldynda adam kóp jınalatyn jerlerden aýlaq bola alady. Biraq bul másele áli de talqylanyp otyr.
"Qazir qalany jabý josparda joq, biraq KVI boıynsha oń synaqtar kóbeıgen jaǵdaıda qosymsha karantındik shekteýler engiziledi", dep qorytyndylady elorda ákimi.
