Almaty qalasyna jumys sapary aıasynda Qazaqstan Respýblıkasy Premer-Mınıstriniń orynbasary Eraly Toǵjanov bıyl qazan aıynda paıdalanýǵa berilgen qalalyq klınıkalyq balalar ınfeksııalyq aýrýhanasynyń modýldik fılıalyna bardy.
Modýldik aýrýhananyń jumysy mysaly negizinde vıse-premer megapolıste aýrýdy basqarý modeliniń iske asyrylýymen tanysty.
Almaty qalasy ákiminiń orynbasary Erjan Babaqumarov COVID-19 jaǵdaıynda jumys isteý úshin densaýlyq saqtaý júıesi ınfraqurylymynyń daıyndyǵy týraly habarlady. Almatyda búginde 7 011 tósek-orynǵa arnalǵan 23 stasıonar, 74 emhana jumys isteıdi, olardyń bazasynda pasıentterdi kóshpeli (jyljymaly túrde) monıtorıngteý úshin 298 mobıldi brıgada jumys isteıdi, sondaı-aq jedel medısınalyq járdem jumysy men naýqastardy baǵyttaý jańa algorıtmderge aýystyryldy.
Sonymen qatar, klınıkalardyń materıaldyq-tehnıkalyq bazasy nyǵaıtyldy. Almaty qalasy Qoǵamdyq densaýlyq basqarmasy basshysynyń orynbasary Janar Madeevanyń aıtýynsha, uıymdardy medısınalyq jabdyqpen jabdyqtaýdy jańǵyrtý baǵdarlamasy aıasynda 74 stasıonar men klınıka úshin 4200-den astam jabdyq satyp alyndy. Sondaı-aq, birinshi eshelondaǵy stasıonarlardy medısınalyq gazdardyń, onyń ishinde otteginiń ortalyqtandyrylǵan júıesimen qamtamasyz etý jónindegi jalpyqalalyq baǵdarlama iske asyrylýda. Qalanyń medısınalyq uıymdarynyń káriz sýlarynyń bıologııalyq qaýipsizdik rejımi engizildi. Medısınalyq qaldyqtardy kádege jaratý baqylaýy kúsheıtildi.
Vıse-premerge jańa modýldik ınfeksııalyq stasıonar 300 tósekke eseptelgendigi baıandaldy. Almaty qalasynyń ınfeksııalyq balalar aýrýhanasynyń bas dárigeri Erjan Seralın stasıonarda barlyǵy 320 medısına qyzmetkeri jumys isteıtinin habarlady. 8 bólimshe, onyń ishinde bokstalǵan palatalary bar 2 blok qarastyrylǵan. Jansaqtaý bóliminde-30 tósek, PTR-zerthanasy bar bólimshe. Sonymen qatar, ár palatada ylǵaldandyrylǵan ottegi bar (16 tonna suıyq ottegi, 8 tonnadan quıylǵany tur). Jansaqtaý jáne qabyldaý bólimshesinde gazdyń 3 túri júrgizilgen.
О́z kezeginde "Respýblıkalyq elektrondyq densaýlyq saqtaý ortalyǵy" ShJQ RMK Almaty qalalyq fılıalynyń dırektory Gúlnar Ysqaqova jedel áreket etý jáne basqarý úshin qaladaǵy epıdemııalyq jaǵdaıǵa onlaın monıtorıng júrgizýge baǵyttalǵan sıfrlyq ákimshilendirýdiń jańa quraldaryn usyndy. Olardyń arasynda - mobıldik baılanys operatorlarynyń ıesizdendirilgen derekteri negizinde karantın rejımin taldaý júıesi, jedel járdem mashınalarynyń shaqyrýlaryn taldaý júıesi, densaýlyq saqtaý obektilerin oqshaýlaýdy taldaý jáne AMSK-tiń jaqyn jerdegi qoljetimdiligin aıqyndaý júıesi, sondaı-aq qalalyq stasıonarlar úshin tikeleı qoljetimdiligi bar KT -, MRT -, rentgen-kesinderiniń biryńǵaı banki bar.
Nysandy aralap shyqqan QR Premer-Mınıstriniń orynbasary Eraly Toǵjanov táýekel tobyndaǵy adamdarmen jumys jeke júrgizilýi tıis ekenin atap ótti. Olardy aýrýhanaǵa jatqyzý birinshi kezekte júzege asyrylady. Sonymen qatar, testileý jáne vaksınasııa máselelerine nazar aýdaryldy. Aýrýhananyń modýldik fılıalynyń aýmaǵynda zerthana bólimshesi bar, onda COVID-19-ǵa 2 myńǵa deıin PTR zertteý júzege asyrylady. 5 myńǵa deıin ulǵaıtý josparlanýda.
Eraly Toǵjanov jumys sapary aıasynda qazaqstandyq vaksınanyń klınıkalyq zertteýleriniń I kezeńi aıaqtalǵanyn atap ótti. О́z kezeginde, zertteýdiń II kezeńi boıynsha aralyq esepke sáıkes vaksına joǵary tıimdilikti kórsetti.
Qazirgi ýaqytta QR Bilim mınıstrliginiń Bıologııalyq qaýipsizdik problemalarynyń ǵylymı-zertteý ınstıtýty QR Densaýlyq saqtaý mınıstrligimen birlesip zertteýdiń III kezeńi úshin daıyndyq jumystaryna kiristi.
