Otyrysta Almatyda MÁMS-ti iske asyrý barysy, halyqtyń saqtandyrý mártebesin jáne jumys berýshiler men bıznes sýbektileri qyzmetkerleriniń derekterin ózektendirý boıynsha júrgizilip jatqan jumys qaraldy.
Qalanyń densaýlyq saqtaý salasyn qarjylandyrý halyqtyń ósimin jáne tegin medısınalyq kómektiń kepildik berilgen kólemi sheńberinde jáne MÁMS júıesinde halyqqa kórsetiletin medısınalyq qyzmetter kóleminiń qajettiligin eskere otyryp qalyptastyrylǵan. Saqtandyrylǵan halyqtyń úlesin arttyrý máselelerine erekshe nazar aýdaryldy.
«Almaty qalasy boıynsha jyl sońyna deıin MÁMS tóleýden bosatylǵan shaǵyn jáne orta bıznes sýbektileriniń sany 116 604-ti quraıdy, onyń 59 799-y derekterdi jańartty. Qazir 137 iri bıznes sýbektileriniń 129-y tizimderdi jańartty nemese aýdarymdar men jarnalardy tóledi, endi 8 iri bıznes sýbektisi qaldy», - dedi «Áleýmettik medısınalyq saqtandyrý qory» Almaty qalasy boıynsha fılıalynyń dırektory Tileýhan Ábildaev.
О́z qyzmetkerlerin saqtandyrý úshin jyl sońyna deıin jeńildikter berilgen jumys berýshiler jarnalardyń bolmaýyna qaramastan, qyzmetkerlerdiń derekterin msb.fms.kz. saıtyna engizýi tıis. Aldaǵy ýaqytta bul qyzmetkerler MÁMS júıesindegi barlyq qyzmetti kedergisiz ala alady.
Sondaı-aq, dıspanserlik esepte turǵan pasıentterdi ambýlatorııalyq dári-dárimekpen qamtamasyz etý máseleleri qaraldy.
Onlaın-otyrystyń qorytyndysy boıynsha qala ákiminiń orynbasary Erjan Babaqumarov aýdan ákimdikterine Almaty qalasynyń áleýmettik ál-aýqat, kásipkerlik jáne ınvestısııalar basqarmalarymen birlesip, ózin-ózi jumyspen qamtyǵan jáne jeńildikti sanattardaǵy halyqty ózektendirýdi qamtamasyz etýdi, 2020 jyldyń sońyna deıin MÁMS úshin aýdarymdar men jarnalardy tóleýden bosatylǵan ShOB sýbektilerimen jumysty kúsheıtýdi tapsyrdy.
