Alqaly keńeske Nur-Sultan, Almaty, Shymkent qalalary jáne oblystar ákimderi – QHA tóraǵalary, QR Parlamenti Májilisiniń depýtattary, ortalyq memlekettik organdardyń basshylary, QHA Keńesiniń músheleri qatysty.
Kún tártibinde Tuńǵysh Prezıdent – Elbasy, QHA Tóraǵasy N.Á.Nazarbaevtyń beıbitshilik pen kelisim saıasatyn júzege asyrý máseleleri, sondaı-aq elimizdiń Táýelsizdigin nyǵaıtýdaǵy Qazaqstan halqy Assambleıasynyń róli qarastyryldy.
О́z sózinde Memlekettik hatshy etnosaralyq qarym-qatynastardy damytýdyń jańa kezeńiniń ýaqyty kelgenin atap ótti.
«Birlik pen kelisimniń áleýmettik kapıtalyn nyǵaıtý, etnostar arasyndaǵy ózara árekettestiktiń jańa alańdaryn qalyptastyrý, etnıkalyq máseleni saıasılandyrýǵa jol bermeý, etnıkalyq negizdegi kez kelgen janjaldy beıtaraptandyrý mańyzdy ekenin kórip otyrmyz. Bul – barlyq bılik ınstıtýttary men azamattyq qoǵamnyń máselesi.
Bıyl qysqa merzimde elimizdegi etnosaralyq prosesterdi basqarýǵa qatysty ádistemelerdi aýystyrýǵa baǵyttalǵan aýqymdy jumys atqaryldy. Olar ınstıtýsıonaldy túrde anyqtalǵan sıpatqa ıe bolyp otyr. Assambleıanyń barlyǵy senim bildiretin jalpy azamattyq, saıasattan tys jáne jalpyhalyqtyq ınstıtýt retinde qurylymdyq jáne sapalyq turǵydan jumysyn qaıta bastap jatqan jaıy bar. Qoǵamdyq sanany jańǵyrtý jónindegi ulttyq komıssııanyń jaqynda ótken otyrysynda biz «Rýhanı jańǵyrý» baǵdarlamasynyń 2020 jyly iske asyrylýyn qorytyndylap, jumystyń aldaǵy ýaqyttaǵy basymdyq beriletin baǵyttaryn aıqyndadyq.
Jańa jaǵdaılardy eskere otyryp, birqatar jańa jobalar engizildi, ony tájirıbelik turǵydan tolyq qamtý jáne tereńdetý boıynsha arnaıy Jol kartasy ázirlendi. Onyń negizgi máni – ulttyń básekege qabilettilikti arttyrý», dedi Q. Kósherbaev.
Memlekettik hatshy qorytyndylaı kele jańa VII shaqyrylymdaǵy Parlament Májilisiniń depýtattyǵyna kandıdattar usynylǵanyn aıtty.
«Memleket basshysy Assambleıanyń XXVIII sessııasyn shaqyrý týraly ókimge qol qoıdy, onda 9 depýtat saılanady. Bul saılaý aldaǵy jyldardaǵy etnosaralyq qatynastar salasynda saıasattyń tıimdiligin qaıta attyrýy tıis. Assambleıanyń depýtattyq korpýsynyń jumysyn jetildirip, bolashaqtaǵy qyzmeti men maqsat-mindetterin qaıta qarastyrý kún tártibinde tur. Jańa jaǵdaıda dástúrli qalyptan shyǵyp, jańa joldar qarastyryp úırený qajet. Sondyqtan Assambleıa jáne Parlament aldynda jaqyn bolashaqta turǵan mindetterdi taǵy bir márte naqtylap, sheshý kerek dep esepteımin», dedi ol.
Otyrys sońynda QR Konstıtýsııalyq zańynyń «Qazaqstan Respýblıkasyndaǵy saılaý týraly» 87 baby jáne QR Zańynyń «Qazaqstan halqy Assambleıasy týraly» 10 babyna sáıkes, QHA Keńesi Assambleıadan saılanatyn Qazaqstan Respýblıkasy Parlamenti Májilisiniń depýtattyǵyna Assambleıadan saılanatyn 9 úmitkerdi usyndy.
Qazaqstan halqy Assambleıasy keńesi usynǵan QR Parlamenti Májilisiniń depýtattyǵyna úmitkerler:
1.ÁBDRAHMANOV Saýytbek Ábdrahmanuly – QR Parlament Májilisiniń VI shaqyrylymynyń Qazaqstan halqy Assambleıasynan saılanǵan depýtaty, QHA múshesi.
2.AMIRHANIаN Avetık Rýbenovıch – Batys Qazaqstan oblysy máslıhatynyń depýtaty, Batys Qazaqstan oblystyq «Masıs» armıan etnomádenı qoǵamdyq birlestiginiń tóraǵasy, QHA múshesi.
3.BÝLAROV Ilıas Iýsýpovıch – Jambyl oblysy Qordaı aýdany Sartóbe aýyldyq okrýginiń ákimi.
4.DEMENTEVA Natalıa Grıgorevna – «Kókshetaý gýmanıtarlyq-tehnıkalyq lıseı-mektebi» KMM dırektory.
5.LI Iýrıı Vıssarıonovıch – «Qazaqstannyń ulttyq kollektorlar palatasy» ZTB tóraǵasy, QHA Kásipkerler Qaýymdastyǵynyń múshesi.
- NABIEV Vakıl Gýseınovıch – «Barbang» kúrdter qaýymdastyǵy» respýblıkalyq qoǵamdyq birlestiginińvıse-prezıdenti, QHA múshesi.
- OSIN Shamıl Abzaletdınovıch – «Qazaqstandyq tatar jáne bashqurttar kongresi» respýblıkalyq qoǵamdyq birlestiginiń Qaraǵandy oblysy boıynsha fılıalynyń dırektory, Qaraǵandy oblystyq máslıhatynyń depýtaty, QHA múshesi.
- TOHTASÝNOV Vladımır Imtahýnovıch – ««JetysýOblGaz» JShS Bas dırektory.
- HAMEDOV Abılfas Mýslımovıch – «Ázerbaıjandyqtar qaýymdastyǵy» respýblıkalyq qoǵamdyq birlestiginiń tóraǵasy, QHA múshesi.
Aıta keteıik, 2021 jylǵy 11 qańtarda Qazaqstan halqy Assambleıasynyń sessııasynda 9 Májilis depýtatyn saılaý tórtinshi ret ótedi.
2020 jylǵy 10 jeltoqsanda Memleket basshysy QHA sessııasyn shaqyrý týraly tıisti qaýlyǵa qol qoıdy. Sessııa jáne daýys berýdi ótkizý orny retinde Beıbitshilik jáne Kelisim saraıy belgilendi.
Eger Assambleıa músheleriniń jartysynan kóbi qatyssa, sessııa sheshimi qabyldandy dep sanalady. Búgingi kúni Qazaqstan halqy Assambleıasynyń 504 múshesi bar.
Ár saılaýshy – Assambleıa múshesi – jeke daýys beredi.
Daýys berýge qatysqan Assambleıa músheleriniń 50 paıyzdan joǵary daýysyn jınaǵan kandıdattar saılandy dep sanalady.
