"Jas sarbaz" jasóspirimder áskerı-patrıottyq qozǵalysy Respýblıkalyq qoǵamdyq birlestiginiń tóraǵasy Meıirbek Orazuly Mendygalıev atalǵan shara jalǵasyn taýyp jatqanyna alǵysyn jetkizdi. Odan bólek, ıgi dástúr tamyr jaıyp, keńinen qanattanatynyna senim bildirdi.
Osy tusta Nur-Sultan qalalyq fılıalynyń tóraǵasy Ashat Baǵdatuly Nalshybek te: "Ár jyl saıyn, qys mezgili qaharyna minip qalyń qar túskende, tynbaı eńbek etetin jandar bary barshamyzǵa málim. Táýelsizdiktiń 30 jyldyǵy mereıtoıy qarsańynda dál osy jandarǵa kishigirim bolsyn kómek kórsetip, jylý syılaý boldy. Sonymen birge "30 ıgi is" jáne "Júrekten júrekke meıirimdilik syılaıyq" aksııasy aıasynda, elorda kóshelerin qardan tazalaıtyn "Astana tazalyq" qyzmetkerlerine ystyq shaı jáne baýyrsaq taratyp, jumystaryna qolushyn tıgizip, barymyzdy salyp qoldaý kórsetip qaıttyq. Budan ózge, aıazdy kúni aıaldamada avtobýs kútip, jaýrap turǵan qala turǵyndaryn da dittegen jerine jetkizip tastadyq", dep aıtyp ótti.
"Volonterler únemi kelip kómektesip turady. Jigitter men qyzdarǵa alǵysymyzdy bildiremiz. Mundaı aıazdy kúnderi bir shyny-aıaq shaıdyń ózi denege de júrekke de jylý syılaıdy", deıdi Astana tazalyq JShS jumysshysy.
