Osyndaı faktilerdiń jolyn kesý úshin oblysta profılaktıkalyq jumystar júrgizilgen edi. 13 mas osy shara barysynda ustaldy. Onyń 6-y Petropavl qalasy aýmaǵynda.
Aıyrtaý aýdanynynyń ortalyǵy Saýmalkól aýylynda "Mitsubishi Outlander" avtokóligi janar-jaǵarmaı quıý beketine toqtamaq bolyp, burylysta rólge ıe bola almaı kıývetke ketken. Oqıǵa ornyna barǵan batalon qyzmetkerleri odan alkogoldiń ıisi ańqyp turǵanyn anyqtaǵan.
Al 47 jastaǵy Ǵ.Músirepov aýdanynyń turǵynynda kólik quralyn júrgizý quqyǵy bolmaǵan. Onyń júrgizýshi kýáliginiń merzimi eki jyl buryn ótip ketken. Qazirgi tańda ol sot sheshimimen 20 táýlikke ákimshilik qamaqqa alý jazasyn óteýde.
"Zańnama talaptaryn elemeýshilik pen masań kúıde kólik júrgizýdiń tamyryna balta shabý qajet. Jyl basynan masań kúıindegi júrgizýshilerdiń kinásynan 25 jol-kólik oqıǵasy jasalyp, onda 6 adam qaza taýyp, 32 adam jaraqat alǵan. Zańdy elemeıtin osyndaı júrgizýshilerge qatysty qatań profılaktıkalyq jumys júrgiziletin bolady", deıdi Jergilikti polısııa qyzmeti basqarmasynyń bastyǵy, polısııa podpolkovnıgi Aıdyn Baımatov.
