Kelýshi meıramhanadaǵy dámsiz ári shıki taǵamnyń aqysyn tóleýden bas tarta ala ma?

1 mın

oqý úshin

Elimizde meıramhanadaǵy taǵam sapasyz nemese tolyq pispegen jaǵdaıda, kelýshi onyń aqysyn tóleýden bas tarta ala ma? Jýrnalısterdiń bul saýalyna Tutynýshylardyń quqyqtaryn qorǵaý komıtetiniń tóraǵasy Bolat Tanabergenov jaýap berdi, dep jazady Egemen.kz.

Dınara JAQSYBAIQYZY

Kelýshi meıramhanadaǵy dámsiz ári shıki taǵamnyń aqysyn tóleýden bas tarta ala ma?

Foto: Ashyq derekkóz

Komıtet tóraǵasynyń aıtýynsha, mundaı jaǵdaıda tutynýshy aldymen mekeme ákimshiligine shaǵymdanýy kerek. Máseleni aýyzsha sheshýge tyrysý qajet, al kelisimge kelý múmkin bolmasa, kafe nemese meıramhana ıesine jazbasha shaǵym berý kerek.

«Eger máseleni aýyzsha sheshý múmkin bolmasa, tapsyrys aqysyn báribir tóleýge týra kelýi yqtımal. Odan keıin jaǵdaıdy anyqtap, ýákiletti organdarǵa júginýge bolady. Eger shaǵymǵa jaýap berilmese nemese narazylyq týyndasa, azamattar aýmaqtyq saýda jáne tutynýshylar quqyqtaryn qorǵaý departamentine de júgine alady», dedi Tanabergenov.

Eske sala keteıik, elordada 2026 jyldyń alǵashqy úsh aıynda tutynýshylardan 3 myńnan astam ótinish túsip, olardyń nátıjesinde 48,4 mln teńge qaıtaryldy.

Buǵan deıin elimizde satýshylardyń ústinen QR-kod arqyly shaǵymdaný júıesi engiziletinin habarlaǵan edik.