Inder aýdandyq probasııa qyzmetiniń esebinde 41 adam tur. Olardyń arasynda bas bostandyǵyn shekteý jazasyna tartylǵan 18, shartty synaq merzimin alǵan 8, belgili bir qyzmetpen aınalysý quqyǵynan aıyrylǵan 15 sottalýshy bar. Olarǵa áleýmettik kómekter kórsetildi.
Aýdandyq jumyspen qamtý bólimi arqyly 8 sottalýshy jumysqa ornalastyryldy. Onyń ishinde ekeýi júrgizýshi, ózgeleri ár saladaǵy mekemelerge jumysshy bolyp ornalasty. Al bas bostandyǵy shektelgen eki sottalýshy medısınalyq járdem aldy. Sondaı-aq úsheýine bir jolǵy qarjylaı qoldaý kórsetilse, demeýshiler tarapynan eki adamǵa azyq-túlik berildi.
Árıne probasııa qyzmetiniń ınspektorlary sottalýshylarǵa udaıy quqyqtyq kómek berip, olardyń qaıtadan qylmys jasaýǵa barmaýyna yqpal etip otyr. Sonyń nátıjesinde sottalýshylar tarapynan qylmysty qaıtalap jasaý deregi tirkelgen joq. Sol sebepten Inder aýdandyq sotyna jyl basynan beri alty usynys joldanyp, alty sottalýshy shartty túrde merziminen bosatyldy.
Probasııalyq esepte turǵandarǵa áleýmettik kómek kórsetýmen birge olardy áleýmettik ońaltý, qaıta jasalatyn qylmystyń aldyn alý, boldyrmaý maqsatynda olarmen tárbıelik máni bar túrli is-sharalar uıymdastyrylyp keledi. Inder aýdandyq probasııa qyzmetiniń esebinde turǵandardyń ekeýi «Erikti-volonter» is-sharasyna qatysyp, kóp balaly anaǵa azyq-túlikpen kómektesti. Taǵy biri aýdandyq aýrýhanasyna sıyr etin ákelip, naýqastardyń nárli tamaqpen qamtylýyna qol ushyn sozdy.
Sonymen qatar «Atameken» UKP-nyń óńirlik fılıalymen birlese probasııa qyzmetiniń esebindegi sottalýshylardyń jeke bıznesin damytý maqsatynda shaǵyn nesıe alýyna qoldaý kórsetilip otyr. О́ıtkeni olar da shaǵyn kásipkerlik nysanyn ashqysy keledi. Nátıjeli jumyspen qamtýdyń jáne jappaı kásipkerlikti damytýdyń 2017-2021 jyldarǵa arnalǵan memlekettik baǵdarlamasymen eki adam «Bastaý bıznes» qysqa merzimdik kýrsynda oqydy. Olar jeke kásibin ashý úshin kepilsiz ári qaıtarymsyz 5 556 000 teńge mólsherinde memlekettik grant aldy. Al bir sottalýshy «Atameken» sertıfıkatyn alyp, memlekettik grant qarjysyn kútip otyr.
Bıbigúl QANATBAEVA,
Inder aýdandyq probasııa qyzmeti tobynyń aǵa ınspektory,
ádilet kapıtany
Atyraý oblysy
