Aýyl turǵyndarynyń sózinshe, túz taǵysy Aqkóldiń irgesindegi Syzaı mekeninde otyrǵan malshynyń qystaǵyna kelipti. Qasqyr soıylǵan maldyń ishek-qarnyn asap jatqanda, úıden shyqqan áıelge tap berip, qaryn tusyn jaraqattapty. Artynsha salt jetken kúıeýi tura qýǵanda, jyrtqysh atty adamnyń ózine qarsy shapqan kórinedi.
Bul aqparatty oblystyq densaýlyq saqtaý basqarmasy da rastady.
«1991 jyly týǵan áıel Jangeldın aýdandyq ortalyqtandyrylǵan aýrýhanasyna jatqyzyldy. Qazir dárigerlerdiń baqylaýynda. Jaǵdaıy qanaǵattanarlyq. Hırýrg maman júrgizgen emdeý sharasynan keıin qosymsha kómekti qajet etpeıdi. Naýqasqa antırabııalyq, ıaǵnı qutyrmaǵa qarsy ımmýnıtetti kúsheıtetin vaksına egildi», dedi oblystyq densaýlyq saqtaý basqarmasynyń baspasóz hatshysy Ksenııa Jylqybaeva.
