Ekologııa • 14 Jeltoqsan, 2020

Almatydaǵy «Jeltoqsan» saıabaǵy 100 kóshetti saıalatty

244 ret

kórsetildi

1 mın

oqý úshin

Táýelsizdigimizdiń altyn besigi bolǵan - Almatyda qala ákimi Baqytjan Saǵyntaevtyń bastamasymen «Jeltoqsan» saıabaǵy ashyldy. 13 jeltoqsanda ashylǵan saıabaq Túrksib aýdanynyń Jas qanat jáne Maıak shaǵyn aýdandarynyń aýmaǵynda ornalasqan. Aýmaǵy jaǵynan qaladaǵy eń iri úsh úlken saıabaqtyń birine aınalǵan 100 gektarlyq «Jeltoqsan» saıabaǵy qalanyń soltústik bóligindegi eń úlkeni bolyp tabylady, dep habarlaıdy Egemen.kz.

Aınash ESALI

Almatydaǵy «Jeltoqsan» saıabaǵy 100 kóshetti saıalatty

Búgin Almaty qalasy Jasyl ekonomıka basqarmasynyń basshysy Natalıa Lıvınskaıa bul ákimdiktiń qoǵamdyq keńistik qurýdaǵy eń aýqymdy jobalarynyń biri ekenin atap ótti. Buryn aýmaq abattandyrylmaǵan jáne qaraýsyz qalǵan, al kógaldandyrý quldyraǵan.

«Pandemııaǵa qaramastan, 2020 jyly biz aýmaqty abattandyrý jáne jasyl qordy saýyqtyrý jumystarynyń birinshi kezeńin bastadyq. Munda asfaltbeton, sport alańdaryna arnalǵan rezeńke jabyn, tósem tóseldi. Jaıaý jáne velosıped joldary men joldar jasaldy. Sporttyq jáne balalar alańdary uıymdastyrylǵan. Aýmaqta 125 oryndyq pen 130 qoqys jáshigi ornatyldy», dedi Natalıa Lıvınskaıa.

Saıabaq ashylǵan kúni 100 qylqan japyraqty aǵash otyrǵyzyldy – bul qaraǵaı, kók shyrsha jáne Tıan-Shan shyrshasy. Kógaldandyrý alańy - 23 myń sharshy metr bolady. Basqarmada habarlanǵandaı, aýmaqty kógaldandyrý kelesi jyly da jalǵasady