Aıyppul – 600 myń

Halyqqa merekelik kó­ńil kúı syılaý úshin qazy­nadan mıllıondap qarjy qaras­ty­ryl­ǵanymen, ortalyq alańǵa úshinshi jyl qatarynan jasandy shyrsha ornatylady. Durys, árıne. Oǵan eshkimniń daýy joq. Bala-shaǵany máz etý úshin úıdi-úıge de jasandy shyrsha qoıǵan jón shyǵar. Alaıda Ja­ńa jyl jaqyndaǵanda orman-toǵaılardaǵy jaıqalyp ósken jasyl shyrshalar qyrqylady.

Bıyl 30 qarashada Ekologııa, geologııa jáne tabıǵı resýrstar mınıstrliginiń memlekettik orman qory aýmaǵynda jańa jyl qarsańynda qylqanjapyraqty aǵashtardy qorǵaýdy kúsheıtý týraly buıryǵy shyqqan. So­ǵan sáıkes, ormandy jerde qyl­­qanjapyraqty aǵashty kesýge úzildi-kesildi tyıym sa­­­lyn­ǵan. Shyrshany tek or­mandy al­qaptardy kútip-bap­taý úshin jáne arnaıy jańa jyldyq plantasııalarda ósse ǵana kesýge ruqsat. Sondaı-aq jasyl shyrsha mádenı is-sharalar ót­kizý úshin uıymdar men mekeme­lerge oblys ákim­diginiń ótinishteri negizinde Orman sharýashylyǵy jáne janýarlar dúnıesi komıtetiniń ruq­­saty boıynsha ǵana bosatylady. Al turǵyndarǵa arnaıy ydys­taǵy tiri shyrshalardy ǵana satýǵa ruqsat etiledi.

Shyǵysta shyrshany zań­syz kesýden qorǵaý úshin 1 jel­­­toqsannan bastap orman al­­­qaptaryna aparatyn negizgi jol­darda baqylaý beketteri uıym­­dastyrylady, arnaıy mo­bıl­di toptar qurylady.

Eskerte keterligi, qylqan­japyraqty aǵashty zańsyz keskeni úshin «Ákimshilik qu­qyq buzýshylyq týraly» kodeks­tiń 381-1-babyna jáne Qyl­mystyq kodekstiń 340-babyna sáı­kes hattama toltyrylyp, zań buzǵan azamatqa 600 myń teń­gege deıin aıyppul salynady.

Shyǵys Qazaqstan oblysy