«Eger pandemııanyń basynda pnevmonııamen aýyratyn «reanımasııalyq» naýqastardyń kóbi jastar bolsa, búgingi tańda reanımasııaǵa KVI-men keletin naýqastar – júrek jetkiliksizdigi, tynys alý jetkiliksizdigi, búırek jetkiliksizdigi jáne ınsýlt sııaqty kóptegen sozylmaly aýrýlary bar, 65 jastan asqan pasıentter. Mynandaı jaǵdaılarda kezdesedi, mysaly, naýqas burynnan bar aýyr aýrýymen klınıkaǵa túsedi, al ony teksergen kezde COVID-19 ınfeksııasy kezdeısoq anyqtalady», dep bólisti reanımatolog.
Onyń aıtýynsha, reanımasııa bólimine túsetin naýqastardyń jartysynan kóbi úılerinen «jedel járdem» kóligimen jetkiziledi, jáne kóbiniń jaǵdaıy asa aýyr bolady.
«Biz tikeleı «úılerinen» asa aýyr jaǵdaıda túsetin naýqastardyń jartysynan kóbiniń aýrýhanaǵa kelgenge deıin óz betinshe emdelip, dárigerge múlde júginbegenderin anyqtadyq», dedi Qýandyqov.
Sonymen birge ol reanımasııa bólimderindegi naýqastardyń orta eseppen 15-20%-ynyń jaǵdaılary aýyr jáne turaqsyz bolatynyn, onyń ishinde ólimmen aıaqtalatyn jaǵdaılar da baıqalatynyn atap ótti.
«Búgingi tańda ólim-jitim aıtarlyqtaı tómendedi jáne eń tómengi kórsetkishterdi kórsetip tur. Búgingi kúni biz «joǵaltyp otyrǵan» naýqastar – bul kóptegen aýrýlarmen qatar aýyryp, teńgerilmegen kúıde júretin naýqastar. Olarǵa júrek aýrýlary bar; qant dıabeti; baýyr sırrozy; hımıoterapııadan birneshe ret ótken onkologııalyq naýqastar; ımmýndyq tapshylyǵy bar naýqastar jatady. Negizinen, qaıtys bolǵan naýqastar qarttar, jastary kári jáne uzaq ómir súretin adamdar. Sońǵy aılarda qaıtys bolǵan jas jáne orta jastaǵy naýqastardyń sany men úlesi kúrt tómendedi. Muny oń trend retinde atap ótýge bolady» deıdi spıker.
Ol bizdiń qalamyzda koronavırýstyq ınfeksııanyń taralýy men ony emdeý nátıjeleri boıynsha eń qolaısyz kezeń maýsym aıynyń sońynan shilde aıyna deıingi ýaqyt bolǵanyn eske saldy. Sol kezeńde tirkelgen naýqastar, onyń ishinde aýyr naýqastar kóp boldy.
