«Elimizde búkil adamzat qaýymynalańdatyp otyrǵan pandemııaǵa qarsy kúres áli de jalǵasýda. Qazirgi jaǵdaıda polısııa jáne medısına qyzmetkerleri aldyńǵy shepte júr. Turǵyndardyń qaýipsizdigi men olardyń densaýlyǵy bizdiń moınymyzǵa júktelip otyr», dedi Aımaǵambetov.
Táýelsizdik kúnine oraı departament basshylyǵy ishki ister organdarynda 32 jyldan astam qyzmet etken otstavkadaǵy podpolkovnık Batyrbek Nurekınge «QR IIO ardageri» medalin tabys etti.
Sonymen qatar pandemııamen kúrestegi jemisti eńbegi úshin prezıdent jarlyǵymen jergilikti 25 polıseı «Halyq alǵysy» medalimen marapattaldy. Olardyń ishinde ákimshilik polısııa basqarmasynyń bastyǵy polkovnık Andreı Grıgorevskıı, oblystyq PD shtab bóliminiń bastyǵy podpolkovnık Abylaı Mekebaev, ýchaskelik maıor Erik Vaısov jáne Qostanaı qalasy PB aǵa ınspektory kapıtan Karına Bazarbaeva bar.
Polkovnık Andreı Grıgorevskıı oblysta koronavırýstyń taralýyn boldyrmaý jónindegi jedel shtabty, Abylaı Mekebaev karantın kezinde oblystaǵy ahýaldyq shtabty basqaryp, táýlik boıy sanıtarlyq jáne blok-beketterdiń jumysyn rettep otyrdy.
Sondaı-aq, qyzmettik mindetterin adal atqarǵany jáne jumysta joǵary nátıjelerge qol jetkizgeni úshin 50-den astam qostanaılyq polıseı marapattaldy. Al PD tyldyq qamtamasyz etý qyzmetiniń bastyǵy Rýslan Sársenbaev pen Qostanaı qalasy polısııa basqarmasynyń ýchaskelik ınspektory Ashat Jaqsymbekov «Quqyq tártibin qamtamasyz etýge qosqan úlesi úshin» medaline ıe boldy.
Saltanatty sharanyń sońynda marapat ıeleri departament mýzeıindegi Táýelsizdik kúnine arnalǵan arnaıy kórmeni tamashalady.
