Jurtshylyqpen júzdesti

Kezdesý barysynda ADAL par­tııa­synyń ekonomıka sektorlaryn damy­týdyń jańa ıdeıalary, ártúrli sanattaǵy azamattardy qoldaý jónindegi usynystary, kópshilikti tolǵandyratyn ózekti problemalar talqylandy.

Pavlodar oblysynda birqatar kezdesý ótti. Jıyndar negizinen kóshe boılarynda jáne saýda oryndarynda uıym­dastyryldy. Máselen, Shiderti aýy­lynda bolyp qaıtqan Oljas Ordabaev pen Aqmaral Bekmyrzaeva baǵdarlamanyń negizgi tarmaqtaryn kórsetip, partııanyń jalpy ıdeologııasy men qundylyqtary týraly aıtyp berdi.

Aýyl turǵyndary bolsa naýqastardyń dári-dármekpen ýaqtyly qamtamasyz etilmeýi, sondaı-aq jaıylymdyq jerdiń joqtyǵy syndy birneshe máselemen shaǵymdandy. Oljas Ordabaev bul máseleler partııanyń baqylaýyna alynatynyn habarlady.

Ekibastuz qalasynyń turǵyndary nesıe máselesine toqtaldy. Aqmaral Bek­myr­zaeva partııanyń problemalyq nesıelerge raqymshylyq jasaý usynysy týraly aıtty.

Kezdesý barysynda Oljas Ordabaev elimizdiń árbir turǵyny partııanyń veb-saıty arqyly kez kelgen aımaqty damytý boıynsha óz usynystaryn engizýge, el­di mekenderdiń bıýdjetteri týraly aqpa­rat alýǵa múmkindikteri bar ekenin jetkizdi. Jıynǵa kelgen kóp balaly analar­dyń biri kásibin keńeıtý joldaryn surady. Spıker partııanyń kóp balaly otbasylardyń paıdasyna jumys istep jatqandyǵyn basa aıtty. «Árbir kóp balaly áıel tek AÁK-ke senip qana qoımaı, óz bıznesin damyta túsýi kerek, bul úshin partııanyń naqty usynystary bar jáne adamdarǵa kásipkerlik mehanızmderin júzege asyrýǵa kómektesýge daıyn», dedi Oljas Ordabaev.

Aqsý qalasynyń turǵyndary bilim sapasyn arttyrý jáne kásiptik baǵdar berýde kómek kórsetý máselelerin kóterdi. Úmit­kerler saıtta stýdentterge bilim­derin tekserýge jáne ýnıversıtet tańdaý týraly sheshim qabyldaýǵa kómektesetin qyzmet bar ekenin aıtty.

Odan ári kezdesý Kóktóbe aýylyn­da jalǵasty. Kezdesýler sońynda depý­tat­tyqqa kandıdattar ár azamattyń pikiri, onyń ótinishteri partııa úshin mańyzdy ekenin aıtty. Osynyń arqasynda min­detter qalyptasady jáne olardy sheshý tetikteri túziledi.

Al Almaty oblysynda depýtattyqqa kandıdat Lázzat Shyńǵysbaeva saılaýshylarmen kezdesti. Ol Túımebaev aýylynyń Ashybulaq aýyldyq okrýginde shege shyǵaratyn zaýyt jumysshylarymen kezdesip, О́tegen batyr jáne Qapshaǵaı qalasynyń turǵyndarymen áńgimelesti.

Lázzat Shyńǵysbaeva jaqynda iske qo­syl­ǵan saıt arqyly aımaqtar tur­ǵyn­da­ry­nyń barlyq máselesinen habar­dar eke­­nin aıtty. Turǵyndar eldi meken­­der­di abattandyrý máselelerin kóte­rip, ADAL partııasynyń josparyn talqy­lady.

Keıbir turǵyndar partııanyń saılaý aldyndaǵy ýádelerdi umytyp ketýi múmkin ekenin eskertti. Biraq L.Shyńǵysbaeva ADAL partııasynan  depýtattyqqa úmitkerlerdiń barlyǵy saılaýshylarynyń múddesi úshin kúresedi dep jaýap berdi. Spıkerdiń aıtýynsha, komanda myqty ári jigerli jastardan quralǵan. «Ár kandıdat óz salasynyń mamany, qoǵam úshin ártúrli úlken, mańyzdy ister atqaryp júr», dedi kandıdat.

Shymkent qalasynda da jergilikti turǵyndarmen kezdesý ótti. Oǵan ADAL partııasynan Parlament Májilisi depý­tattyǵyna úmitkerler Maqsat Tolyqbaı men Almasbek Sadyrbaev qatysty.

Maqsat Tolyqbaı partııa baǵdar­la­ma­sy týraly aıtyp berdi. Suraq­tarǵa jaýap bere otyryp, partııa baǵ­dar­lamasynda medısına salasy máseleleri qarasty­ryl­ǵanyn eske saldy. «Biz Parlamentke ótsek te, ótpesek te úgit-nasıhat kezeńi aıaqtal­ǵannan keıin mınıs­trliktermen jáne ákim­diktermen birlesken jobalyq keńs­e­ler qurylady. Olar partııa baǵdar­lamasyn júzege asyrý úshin belsendi jumys isteıtin bolady», dedi úmitker.

Parlament Májilisiniń depýtatty­ǵyna úmitker Ardaq Nazarov bilim berý baǵdarlamasyna jańashyldyq engizý qajettigin eske saldy. Onyń aıtýynsha, sport mektep tártibi deńgeıinde toqtamaı, joǵary deńgeıde damýy kerek.

Fermerlermen kezdesý barysynda Almasbek Sadyrbaev AО́K pen bıznesti qoldaý sharalary týraly aıtyp berdi.

Partııa músheleri Taraz qalasyndaǵy «Taraz-Ǵasyr» kolledjinde jastarmen kezdesti. Ardaq Nazarov olarǵa ózi týraly, balalyq shaǵy, sporttyq mansabyn qalaı bastaǵany týraly aıtyp berdi. «Eńbekqor bolý mańyzdy. Tek eńbek arqyly ǵana tabys pen molshylyqqa qol jetkizýge bolady», dep atap ótti ol.

ADAL partııasynan Májilis depý­tat­tyǵyna kandıdat partııalyq baǵdar­lamanyń basymdyqtary týraly da sóz etti. Aımaq jastarynyń turǵyn úı, sport­ta ózin ózi damytý jáne sporttyq ınfra­qu­rylymdy jaqsartý týraly ne oılaı­tynyn bile otyryp, Ardaq Nazarov baǵdar­lamanyń osy baǵyttarǵa arnalǵan tarmaqtary týraly egjeı-tegjeıi aıtyp berdi.