Qazir árbir ınspektor málimetter bazasyna ońaı kirip, buzýshynyń basqa da jazalary bar-joq ekenin tez anyqtaıdy. Buǵan deıin ýchaskelik polısııa qyzmetkerleri mundaı aqparatty telefon arqyly alǵan. Endi qylmyskerdiń JSN engizý jetkilikti, ekranda qajetti aqparat paıda bolady. Sondyqtan hattamalardy toltyrý ýaqyty aıtarlyqtaı qysqardy. «Vokzal mańynyń ereksheligi, - deıdi Rınat, - munda janjal shyǵarýshylar, buzaqylar jáne buryn sottalǵandar kóp. Olardyń árqaısysymen jeke profılaktıkalyq jumystar júrgiziledi. Vokzal mańy aýmaǵynda jalǵa beriletin páterlerge erekshe kóńil bólinedi, olardyń sany 50-ge jýyq. Bireýi óte qıyn boldy, kórshileri jastardyń túngi jıyndaryna, kireberiste únemi beıtanys adamdardyń bolýyna jıi shaǵymdandy. Birneshe ret páter bıýrosynyń ákimshiligimen sóılesýge týra keldi. Másele osy páterdi uzaq merzimge jalǵa berilgen kezde ǵana sheshildi. Sodan beri sol kireberiste turatyn adamdar tynysh uıyqtap, shaǵymdanýlar toqtaldy».
«Bizdiń qyzmet júzdegen oqıǵalardan turady. Siz ár mınýt saıyn kútpegen jaǵdaıǵa daıyn bolýyńyz kerek. Táýelsizdiktiń qurdasymyn degen oı - kóp nársege mindetteıdi. Aınalada bolyp jatqan oqıǵalarǵa jaýapkershilik qaraý meniń qatarlastaryma ana sútimen daryǵan dep bilemin. Men barsha qazaqstandyqtardy basty memlekettik merekemen quttyqtaı otyra, bul mereke bárine kúsh pen shabyt beretin qaınar kóz bolyp qala bersin», - dedi ol sóziniń sońynda.
Soltústik Qazaqstan oblysy
