«Táýelsizdigimizdiń 29 jyldyǵymen quttyqtaımyz! Kelesi jyly 30 jyldyǵyn atap ótemiz. Osy merekede elimiz órkendeı bersin degim keledi. Dana halqymyzda «Bilekti birdi, bilimdi myńdy jyǵady» degen sóz bar. Sondyqtan jańany tanýǵa umtylatyn aqyldy jastarymyz kóbeıe berse deımin. El bolashaǵy jastardyń qolynda!», - dedi Úsiphan Seıtimbet.
Jazýshylar odaǵynyń múshesi, aqyn Amanǵazy Káripjan da óz quttyqtaýynda jastar jaǵyna mán berdi.
«Barshańyzdy Táýelsizdik kúnimen quttyqtaımyn. Bul mereke bárimizge zor qýanysh ákelsin. Bizge azattyq pen birlikti syılaǵan bul kún bárimizdi biriktire túsip, elimizdiń odan ári gúldenýine qyzmet etsin. Jastarǵa olardyń eń jaqsy deńgeıde bilim alýyn, elimizdiń bolashaq strategııalyq josparlaryna úles qosýyn, myqty, aqyldy, jan-jaqty bolýyn, ótkendi bilip, qurmetteýin, ana tilin jáne álemniń basqa da tilderin bilýin, óz eliniń uly azamattary bolýyn jáne árqashan meıirimdi ári adal bolýyn tileımin!» - degen aqyn almatylyqtardy quttyqtady.
Esterińizge sala keteıik, buǵan deıin elimizdiń Táýelsizdik kúnine oraı Almaty qalasy ákimi Baqytjan Saǵyntaevtyń bastamasymen shahardyń soltústik bóliginde «Jeltoqsan» saıabaǵy ashyldy. Bul sheshimdi Jeltoqsan oqıǵasynyń qatysýshylary oń qabyldady.
