«Bul ereje mamandar tarapynan bir emes, birneshe ret aıtylyp júr. Árıne, birinshi kezekte adam kóp jınalatyn oryndardan aýlaq júrý kerek. Áleýmettik qashyqtyq saqtaý - ınfeksııanyń taralýyna jol bermeýdiń tásili. Sondaı-aq, qoǵamdyq oryndarda betperde kııý, dezınfeksııalyq quraldardy qoldaný. Osy sharalardyń barlyǵyn saqtaý qajet. Tipti mereke kúnderi bosańsymaýǵa shaqyratyn áriptesterimmen tolyqtaı kelisemin. Sondyqtan bárimizge shydamdylyq tanytyp, osy kezeńniń aıaqtalýyn kútý kerek», - dedi dáriger-reanımatolog.
Odan bólek dáriger sozylmaly aýrýlary bar adamdarǵa karantın rejımin saqtap, ózin-ózi emdeýmen aınalyspaýǵa shaqyrdy. Emdi mindetti túrde maman taǵaıyndaýy kerek.
«О́kinishtisi, pandemııa kezinde biz tanystarymyzben dostarymyzdyń dárigerge barmaı, qatty áser etetin dárilerdi, antıbıotıkterdi óz betinshe qabyldaı bastaǵanyn baıqadyq. Mundaı sharalar nátıjesiz bolady. Sebebi em júrgizilmeıdi. Aldyn alý qorǵaý rejımin qarastyrǵanmen, ol antıbıotıkterdi qoldaný degen sóz emes. Joǵaryda aıtylǵandardy eskerip, mundaı naýqastarǵa óziniń emdeýshi dárigerine júginip, qaralý kerek. Densaýlyǵyndaǵy ózgeriske qaraı dáriger emge túzetý engizip otyrady. Qandaı jaǵdaı bolmasyn, óz-ózin emdeýmen aınalysýǵa bolmaıdy», dep tolyqtyrdy sózin ol.
