Bes qabatty 80 páterli úı bıyl «Jumyspen qamtýdyń jol kartasy» memlekettik baǵdarlamasy aıasynda salyndy.
Qurylys jumystary barysynda 121 adam tuoaqty eńbekpen qamtylǵan.
«Búgin biz úshin óte mańyzdy, kópten kútken kún, ol ómir boıy este qalady. Onyń ústine, biz óz úıimizdiń kiltin Qazaqstan Respýblıkasynyń Táýelsizdik kúni aldyq. Bul-bizge memleket syılaıtyn tamasha syılyq», - dedi kópbalaly ana Aısulý Aqtaeva.
Kóp balaly ana Aısulý Aqtaeva 3 bólmeli páterdiń kiltin aldy. Buryn bul otbasy jaldamaly páterde turatyn.
Sondaı-aq, Fedorov aýdany men Denısov aýylynyń turǵyndary qonys toıyn toılady.
Bıyl Fedorov aýylynda 4 jáne 24 páterli turǵyn úıler salyndy. Mereke kúni kezekte turǵan kóp balaly, áleýmettik osal jáne jetim balalar sanatyndaǵy taǵy 28 otbasyǵa kiltter tabys etildi.
Al Denısov aýylynda 20 páterli úı salyndy, onyń kiltteri kópbalaly otbasylarǵa, jetim balalarǵa, dárigerlerge, áleýmettik sala qyzmetkerlerine jáne kezekte turǵandarǵa berildi.
Búgingi tańda Memlekettik baǵdarlamalar aıasynda Qostanaı oblysynda 328,3 myń sharshy metr turǵyn úı paıdalanýǵa berildi, bul 3 myńnan astam páter. Jyl sońyna deıin taǵy 51 myń sharshy metr paıdalanýǵa beriledi.
Sonymen qatar, shamamen 850 az qamtylǵan otbasy men muqtaj kezekte turǵandardyń turǵyn úı jaǵdaılary jaqsartylatyn bolady.
