Abaı murasy – túrki áleminiń menshigi

Konferensııaǵa Tatarstan men Qazaqstan Respýblıkasy qoǵamdyq uıymdarynyń ókilderi men Ázer­baıjan, Qazaqstan, О́zbek­stan, Qyr­ǵyzstan, Tatarstan, Bash­qurt­stan, Mordovııa, Ýdmýrtııa, Chý­vashııa el­de­riniń ǵylymı jáne bilim berý sa­la­syndaǵy jetekshi ǵalymdar men mamandar qatysty.

«Qazaqstan men Tatarstannyń uzaq tarıhı baılanysy bar. Ǵasyrlar boıy biz dostyǵymyzdyń jibin jo­ǵalt­qan emespiz. Bul konferen­sııa ǵalymdar men memleket qaırat­kerlerin bir ústelge jı­nady. Qazaq­tyń uly kósemi Abaıdyń týǵanyna 175 jyl tolyp otyr. Onyń rýhanı murasy – búkil túrki áleminiń jáne barsha adamzattyń menshigi», dedi Tatarstan Ǵylym akademııasynyń prezıdenti Mıakzıým Salahov.

Keleli jıyndy ótkizýge  Tatar­stan Respýblıkasy Ǵylym akade­mııasy, G.Ibragımov atyndaǵy Til, ádebıet jáne óner ınstıtýty, Qa­zaq­stannyń Qazan qalasyndaǵy Bas konsýldyǵy jáne L.N.Gýmılev atyndaǵy Eýrazııa ulttyq ýnıver­sıteti uıytqy boldy.