«Túıeler» pannosy qalpyna keltirildi

Shahar basshysy óziniń áleýmet­tik paraqshasynda pannonyń alma­tylyqtar úshin súıikti sáýlettik jádigerlerdiń biri ekendigin eske sala otyryp: «Túıeler» sándik bederli pan­nosynyń avtory ári músinshi Pavel Shorohov kompozısııany bas­tapqy qalpyna keltirý týraly ótini­shimdi qabyl aldy. 1982 jyly jasalǵan panno «Dostyq» skverinde tur. Bú­ginde ol almatylyqtardyń súıikti arhıtektýralyq beıneleriniń biri», – dep jazǵan bolatyn.

Megapolıs jetekshisi Almatynyń vızıttik kartochkasyna aınalǵan birqatar músindik týyndylardyń avtory Pavel Shorohov ekenin eske salady. Bular – Arbatta turǵan «Oıyndaǵy balalar», «Flamıngo», «Lotos», sondaı-aq Qazaq memlekettik sırkiniń janyndaǵy «Akrobatka», «Pantera», «Saıqymazaq» syndy biregeı týyndylar. Músinshiniń basqa da jumystary Qazaqstan, Reseı, Germanııa, Aýstrııa, Italııa mýzeı­lerine qoıylǵan.

Pannonyń qas betin qalpyna keltirý jumystarymen aınalysyp otyrǵan avtor: «Kórip turǵan­dary­ńyzdaı, mys qabyqtyń oń jáne sol jaq shetteri julynyp qal­ǵan. Kóp zııan keltirilgen. Mys qaba­tynyń shama­men úshten bir bóli­gi zaqymdalǵan. Model­diń ózi temirbetonmen quras­tyrylǵan», – degen bolatyn.

Músindik týyndynyń avtory pannony qalpyna keltirý qıyn ári ony jóndeýge shamamen on kún qajet bol­ǵanyn aıtady.

ALMATY