Agenttik tóraǵasynyń orynbasary Amırýlla Abdýllaev pen halyqaralyq yntymaqtastyq bóliminiń basshysy Farhod Nııazov NIS basshylyǵymen kezdesip, pedagogıkalyq sheberlik, pedagogıkalyq ólsheýler jáne pedagogıkalyq baǵdarlamalar ortalyqtarynyń jumysyndaǵy basym baǵyttarmen tanysty. NIS qoǵammen baılanys bóliminiń málimetteri boıynsha, akkredıtteý men sertıfıkattaý, halyqaralyq moıyndalý, baǵalaý júıesi, oqý úderisiniń onlaın formatqa kóshýi sekildi zamanaýı bilim berýdegi strategııalyq taqyryptar ózbek áriptesterimizdiń úlken kásibı qyzyǵýshylyǵyn týdyrdy. Fızıka-matematıka baǵytyndaǵy, halyqaralyq bakalavrıat jáne halyqaralyq mektep – elordadaǵy úsh mektepte ártúrli baǵyttaǵy – ǵımarattyń qurylysy, pedagogıkalyq ujymdy qalyptastyrý, NIS-Programme qurý, irikteý baıqaýyn ótkizý, áleýmettik tájirıbeler men elektıvti kýrstardy júrgizý, ata-analarmen yntymaqtastyq ornatý jáne t.b suraqtar legi talqylandy.
Amırýlla Abdýllaev búginde Nazarbaev Zııatkerlik mektepteri búkil álemde qazaqstandyq bilim berý brendi retinde tanylǵanyn, ınnovasııalyq mektepter qurý boıynsha NIS-tiń úlken tájirıbesine kóptegen elder qyzyǵýshylyq tanytyp otyrǵanyn atap ótti.
