Kezdesýge qatysýshylardy «Nur Otan» partııasynyń saılaýaldy baǵdarlamasymen tanystyrǵan T.Balyqbaev elimizdi damý bolashaǵyna qatysty máselelerdi kótere otyryp, agrarlyq sektordy damytýda iske asyrylatyn mańyzdy maqsattar men baǵyttardy atap ótti. Bilim berý salasynyń ókili retinde partııanyń bilim men ǵylymdy damytýdyń barlyq baǵdarlamalary týraly baıandady.
Sondaı-aq, partııa baǵdarlamasynyń basym baǵyttary árqashan Qazaqstannyń aýyldarynda jaıly jáne qaýipsiz ómir súrý jaǵdaılaryn qamtamasyz etýge baǵyttalǵany jaıynda atap ótti. 2025 jylǵa qaraı 3500-den astam aýyl jańǵyrtylayp, 27 myń shaqyrym jergilikti joldary jóndeletindigi jaıyndaǵy jaǵymdy ózgerister barysymen bólise kele T.Balyqbaev bul josparlardyń barlyǵy memlekettik jáne jeke kompanııalardyń qatysýymen oryndalatyndyǵyn jetkizdi.
«Olardy neǵurlym tıimdi iske asyrý úshin jastar bastamalaryn qoldaý maqsatynda jastar resýrstyq ortalyqtary qurylady. Búginde bizdiń azamattarymyzdyń 40 paıyzdan astamy aýylda turady. Olardyń eńbeginiń arqasynda Qazaqstan ózin azyq-túliktiń negizgi túrlerimen qamtamasyz etýde jáne aýyl sharýashylyǵy ónimderiniń iri eksporttaýshysy bolyp tabylady. Aýyldardyń áleýetin arttyrý jáne aýyl turǵyndarynyń jaǵdaıyn jaqsartý úshin barlyq jaǵdaılar jasalady. Aýyl sharýashylyǵyn ǵylymı ázirlemelermen qamtamasyz etý úshin agrarlyq ǵylymnyń naqty maqsatty ındıkatorlary jasalady. 2025 jylǵa qaraı halyqtyń 99 paıyzy joǵary jyldamdyqty Internetke qol jetkize alatyn bolady.Kezdesý barysynda ýnıversıtettiń kafedra meńgerýshileri men qurylymdyq bólim basshylary tarapynan partııanyń sybaılas jemqorlyq saıasaty men eriktiler qozǵalysynyń jumysy jónindegi saılaýaldy baǵdarlamasyn iske asyrý boıynsha kóptegen mańyzdy usynystar aıtyldy. «Nur Otan» partııasy ózekti máseleler men el damýynyń máselelerin sheshýge azamattyq belsendilerdi belsendi túrde qatystyrady. О́z tarapymyzdan eriktiler qozǵalysyna belsendi qoldaý kórsetemiz», dep atap ótti ýnıversıtet rektory.
