Ahmet Baıtursynuly • 20 Jeltoqsan, 2020

Ahmet Baıtursynulynyń Arqalyqtaǵy eskertkishi júdeý tur

940 ret

kórsetildi

1 mın

oqý úshin

Alash ardaqtysy Ahmet Baıtursynulynyń Arqalyq qalasyndaǵy eskertkishi ábden tozyǵy jetip, aıanyshty kúıge túsken. Osydan 8 jyl buryn qarasha kúzde ornatylǵan músinniń shamamen eki metrden asatyn tas tuǵyryna japsyrylǵan arzan, juqa shynytasy ár jerden shytynap, arshylyp, sógilip jatyr.

Nurqanat QULABAEV

Ahmet Baıtursynulynyń Arqalyqtaǵy eskertkishi júdeý tur

Arqalyqqa merekelik demalys kúnderi kelgendikten, qala basshylyǵy men jaýapty mekemelerden habar alý múkin bolmady. Ári-sári bolyp biraz oılanyp, aqyry osy qalada turatyn belgili aıtysker aqyn Aıbek Qalıevti izdep tabýdy durys sanadyq. Munymyz jón bolypty.

- Arqalyqqa kelgen adam eń aldymen Ahańdy izdeıdi. Alaıda eskertkishtiń jaǵdaıy máz emes ekeni barlyǵymyzdyń qabyrǵamyzǵa batady. Osyǵan baılanysty bıyl eskertkish tuǵyryn bútindep, ońdaý týraly depýtattyq saýal joldadym. Shúkir, jóndeý jumystaryna qarjy bólindi. Amandyq bolsa, aldaǵy kóktemde eskertkish qaıta jańartylyp, durystalady, - degen aqyn taǵy bir jaǵymdy jańalyqtyń shetin shyǵardy.

Arqalyqtaǵy Abaı dańǵylynyń boıynda Abaı alleıasynyń qurylysy bastalypty. Biraq qys túsip, aýa-raıynyń kúrt sýytýyna baılanysty qurylys jumystary da kóktemge deıin toqtatylǵan.

145