Jańa formattaǵy festıvalge Esimǵalı Jumanov, Lılııa Pozdnıakova, Dáýrenbek Beknazarov, Almas Nurǵojaev, Dına Býksıkova, Ersaıyn Japaq, Gúljanat Qabıjanova, Georgıı Lı, Zeınelhan Muhamedjan syndy jańa esimder men tanymal talanttardan quralǵan 9 adam óz týyndylaryn usynyp otyr.
Festıval alańynda jańa jyldyq satylymdar, sulýlyq pen sán ındýstrııasynan sıfrlyq jáne marketıng salasynda mamandardan master-klastar ótkiziledi. Áleýmettik jelilerde kórsetiletin úlken sahnada bıznes-salanyń ár túrli toptarynyń bilgirleri osy qıyn jyldy qalaı bastan ótkergenderin aıtyp, tájirıbelik keńesterimen bólisedi.
Qazaqstandyq sýretshilerdiń jumystary kórmesine jáne art-menedjment boıynsha sheberlik synyptaryna bólek aımaq arnalǵan. Festıval art-zalynyń kýratory – synshy, art-menedjer, kásibı óner dıleri, ónertanýshy Dına Dýspýlova.
Festıvaldiń maqsaty – bir alańda bıznes qaýymdastyq pen kásipkerlikti qoldaý ınstıtýttary men qoǵamdyq uıymdardyń ókilderiniń basyn qosý.
«Iá, kúrdeli ýaqytqa qaramastan, biz festıvaldi eki formatta – offlaın jáne onlaın rejıminde tkizip otyrmyz. Bıznespen aınalysatyn adamdar qashan da ádemi. Sondyqtan festıvaldiń ataýy da – «Ádemi bıznes, Azııa». Al astrologııa búginde bylaı deıdi: «Jeltoqsan – biz 18,5 jylǵa arnalǵan baǵdarlamalyq kod jazatyn ýaqyt. Bul mańyzdy tańdaý: durys emes nárse jasaý, joǵaltý, syndyrý, joıý, renjitý jáne 20 jylǵa jýyq ýaqyt boıyna kóńilsiz júrý nemese óz-ózińe degen senimdilikpen kórshińe, álemge degen súıispenshiligiń men qurmetińmen batyl jáne sheshimdi áreket etý kezeńi. Men de seni qoldaımyn, sen de meni qolda. О́z kezeginde bizdi Qazaqstanda jumys isteıtin kompanııalar, seriktesterimiz ben dostarymyz da qoldady», deıdi AV OVO agenttiginiń dırektory, festıval uıymdastyrýshysy Vıktorııa Shın.
Pandemııa jaǵdaıynda netvorkıng alańyn qurý da ózindik synaq dep esepteıdi festıvaldiń marketology jáne uıymdastyrýshysy Sergeı Konev.
Eń bastysy, sońǵy bir jylda barlyǵy biregeı tájirıbe jınaqtady. 2020 jyl burynǵy ómirge oralmaıtyn núktege aınaldy. Pandemııa álemdi tym ózgertti.
«Bizge endi jańasha oılaý kerek. Adamdardyń kópshiligi pandemııa ketip, burynǵy kúnderge qaıta oralatyndyǵyna senedi. Alaıda endi ómir burynǵydaı bolmaıdy - bir nárse mindetti túrde ózgeredi. Sondyqtan biz qazirgi shyndyqtyń syn-qaterlerin qabyldaı otyryp dástúrli jelige sandyq element qosamyz, barlyq tanymal platformalardy – YouTube, TikTok, Instagram, Facebook-ty baılanystyramyz. Mysaly, áli de talaı adam TikTok-ta qalaı satýǵa bolatynyn túsinbeıdi. Sondyqtan osy áleýmettik jelide qalaı «alǵa jyljýdy» aıtyp beretin spıkerdi shaqyrdyq. Siz bıznesmen bolsańyz da, úı sharýasyndaǵy bolsańyz da, bárine aqsha tabýy kerek», deıdi Sergeı Konev.
