Delegasııany EQYU-nyń elektoraldy sholýshysy Mıhaela Sıvıch basqardy.
Kásipodaqtar federasııasy atynan bul kezdesýge QRKF baıqaýshylary Respýblıkalyq shtabynyń tóraǵasy Nurlan О́teshev, Nur-Sultan boıynsha baıqaýshylardyń aımaqtyq shtabynyń tóraǵasy Tólegen Kúnádilov jáne QRKF baıqaýshylarynyń respýblıkalyq shtabynyń analıtık-sarapshysy Sherzod Pýlatov qatysty.
Mıhaela Sıvıch kásipodaqtar federasııasynyń saılaýdy baıqaýǵa qatysýynyń maqsattary men mindetteri týraly surady.
«2 mıllıon múshesiniń múddelerin qorǵaıtyn Kásipodaqtar Federasııasy eń mańyzdy ishki saıası prosesterden tys qala almaıdy jáne saılaý prosesiniń zańdylyǵy men ashyqtyǵyn saqtaýdy qoldaıdy. Qarasha aıynda biz baıqaýshy retinde Májilis pen máslıhattar depýtattarynyń saılaýyna qatysý týraly málimdeme jasadyq», dedi N.О́teshev.
Ol sheteldik áriptesterine kásipodaqtardan baıqaýshylardyń Respýblıkalyq jáne aımaqtyq shtabynyń jumysy týraly, onyń ishinde baıqaýshylardy oqytý sharalary, BAQ-pen ózara is-qımyl jáne uıymdastyrý jumystary týraly habardar etti. «Kásipodaqtar federasııasynyń baıqaýshylary retinde el boıynsha shamamen 7000 kásipodaq músheleri qatysady. Kásipodaq baıqaýshylary barlyq saılaý kezeńinde azamattardyń sóz bostandyǵyna quqyqtaryn qamtamasyz etýge baǵyttalǵan. Biz saılaý prosesiniń eldiń zańdaryna sáıkes ótýin qamtamasyz etemiz. Eldegi shtabtardyń basshylary saıası partııalarmen, jumys berýshilermen jáne eńbek ujymdarymen kezdesýler ótkizip, azamattardyń sóz bostandyǵyn buzýǵa jol berilmeıtindigi týraly aqparatty jetkizdi», dedi QKRF baıqaýshylar shtabynyń tóraǵasy.
Kezdesý aıasynda QRKF shtaby men monıtorıng júrgizetin basqa úkimettik emes uıymdardyń ózara is-qımyl máseleleri de talqylandy.
Baıqaýshylardy daıarlaý jónindegi jumys týraly aıta otyryp, N.О́teshev Saılaýdy partııalyq emes baıqaý ortalyǵy aıasynda baıqaýshylardy oqytý jónindegi Azamattyq Alıanspen birlesken bastamalary týraly aıtty. Ortalyq búkil el boıynsha saılaý ýchaskelerin barynsha qamtý úshin baıqaýshylardy eń jaqsy halyqaralyq standarttar sheńberinde oqytady.
Halyqaralyq uıym ókilderi Qazaqstandaǵy EQYU keńsesiniń baıqaýshylar mıssııasynyń jumysy týraly aıtty. Mıhaela Sıvıch DIAQB baqylaýshylary parlamenttik saılaýdy EQYU mindettemelerine jáne basqa da halyqaralyq mindettemelerge, sondaı-aq demokratııalyq saılaý standarttaryna sáıkestigi úshin baǵalaıtynyn basa aıtty. «Baıqaýshylar saılaýshylar men kandıdattardy tirkeýdi, úgit-nasıhat jumystaryn, saılaý ákimshiligi men tıisti memlekettik organdardyń jumysyn, saılaýǵa qatysty zańnamany jáne onyń qoldanylýyn, buqaralyq aqparat quraldaryn jáne saılaýǵa qatysty daýlardy sheshýdi muqııat qadaǵalaıdy», dedi halyqaralyq sarapshy.
Kezdesý barysynda QRKF-nyń saılaý prosesterine qatysýynyń mańyzdylyǵy atap ótildi. Taraptar biraýyzdan ulttyq jáne halyqaralyq zańnamanyń talaptaryna sáıkes, Qazaqstanda ashyq jáne ádil saılaý ótkizýdiń mańyzdylyǵyn atap ótti.
