Rýhanııat • 22 Jeltoqsan, 2020

Jenevadaǵy Ulttar saraıynda Abaıdyń bıýsti qoıyldy

58 ret kórsetildi

BUU Jeneva bólimshesinde qazaqtyń uly aqyny Abaı Qunanbaıulynyń 175 jyldyǵyna jáne Birikken Ulttar Uıymynyń 75 jyldyǵyna arnalǵan bıýstiń saltanatty ashylýy ótti. Is-sharaǵa bólim basshylyǵy men qyzmetkerleri, birqatar BUU-ǵa múshe memleketterdiń ókilderi qatysty, dep habarlaıdy Egemen.kz

Saltanatty sharaǵa qatysýshylardyń nazaryna Prezıdent Qasym-Jomart Toqaevtyń BUU Bas Assambleıasynyń 75-shi sessııasynda Abaıdyń 175 jyldyǵyna arnalǵan baıandamasynan úzindiler jáne Abaıdyń tarıhı otanynda oǵan ashylǵan eskertkish týraly fılm usynyldy.

BUU-nyń Jenevadaǵy bólimshesiniń Bas dırektory Tatıana Valovaıa BUU-nyń 75 jyldyǵyna oraı Ulttar saraıynyń tarıhı ǵımaratynda bıýsttiń ashylýynyń sımvoldyq máni bar ekenin atap ótti. Ol qazaqstandyqtardy Táýelsizdik kúnimen quttyqtap, eldiń halyqaralyq saıasattaǵy, ekonomıkalyq, áleýmettik jáne mádenı damýdaǵy mańyzdy róli men jetistikterin atap ótti. T.Valovaıa uly aqyn, oıshyl jáne kompozıtor Abaıdyń shyǵarmashylyq murasynyń tek memleketimiz úshin ǵana emes, búkil Eýrazııa óńiri úshin mańyzy zor ekenin, sondaı-aq Batys jáne shyǵys mádenıetin biriktiretin kópir bolyp tabylatynyn, mysal retinde Abaıdyń Lermontovtyń qazaq tiline aýdarmalary arqyly nemis aqyny Gıote shyǵarmashylyǵyn taratýdaǵy rólin keltiretinin atap ótti.

Qazaqstannyń Jenevadaǵy BUU janyndaǵy Turaqty ókili Janar Aıtjanova óz ómirin aǵartýshylyqqa arnaǵan Abaıdyń 175 jyldyǵy bıyl búkil álemde keńinen atap ótilgenin aıtyp ketti. Onyń aıtýynsha, Abaı shyǵarmashylyǵy elder men halyqtardyń jaqyndasýyna yqpal etti, onyń toleranttylyq, mahabbat ıdeıalary BUU-nyń 75 jyldyǵynda asa ózekti bolyp tabylady. Qazaqstandyq dıplomat Abaıdyń bıýstin ornatý úshin qarýsyzdaný jónindegi konferensııanyń májilis zalyna qarama-qarsy oryndy tańdaýdyń sımvoldyq mánin atap ótip, Abaıdyń «Adamzattyń bárin súı baýyrym...»  dana qara sózderi BUU qoǵamdastyǵyna izet, beıbitshilikti, birlikti jáne kópjaqty dıplomatııany nyǵaıtýǵa yqpal etetinine senim bildirdi.

 

Sońǵy jańalyqtar

Indet qaıta órshidi

Álem • Keshe

О́ńirde damý úrdisi bar

Aımaqtar • Keshe

Tańdaıdyń tarlany

Tarıh • Keshe

Joǵalǵan soldat

Tarıh • Keshe

Dombyrany dáriptedi

Rýhanııat • Keshe

Almatyda 36 gradýs ystyq bolady

Aýa raıy • Keshe

Búgin - Ulttyq dombyra kúni

Qazaqstan • Keshe

Uqsas jańalyqtar