AQSh-tyń Detroıt qalasy resmı túrde bankrot dep jarııalandy. Bul týraly Ntdtv.ru habarlady.
«Detroıt qalasy qaryzǵa batty. Endi onyń nesıe berýshilerine aqshany qaıtaratyn múmkindigi joq», – dep sheshti AQSh-tyń federaldy soty. – Bul AQSh tarıhyndaǵy eń iri mýnısıpaldy bankrot bolyp otyr. Qazirgi tańda qalanyń qaryzy 18 mlrd. dollardy quraıdy».
Qalanyń bankrot dep tanylýy oǵan nesıe berýshilerden zańdy qorǵanys bola alady. Endi bir aıdyń ishinde Detroıt bıligi sotqa qaryzdyń qurylymyn qaıta qaraý jóninde jospar usynýy kerek. Onyń arqasynda qala bıligi zeınetaqy men ózge de bıýdjet qyzmetkerlerine beriletin tólemaqynyń mólsherin tómendetýge múmkindik alady. Osyǵan oraı, Amerıka memlekettik qyzmetkerleriniń federasııasy sot sheshimine qarsy apellıasııalyq shaǵym berdi.
Sońǵy júz jylda Detroıt AQSh-tyń kólik astanasy atanyp kelgen. Munda «General Motors», «Ford» pen «Chrysler» kompanııalarynyń shtab-páterleri ornalasqan. Qala ekonomıkasy AQSh avtokólik ónerkásibiniń daǵdarysymen birge, shamamen 40 jyl buryn quldyraı bastaǵan eken.
Aıdar О́risbaev.
Derekkóz: Ntdtv.ru
