Jábirlenýshi er adamnyń aıtýynsha, keshki saǵat 20:30 shamasynda onyń úıine belgisiz azamat zańsyz kirip, ústel ústinde turǵan ORRO markaly uıaly telefonyn ashyq túrde alyp ketken. Qarsylyǵyna qaramastan dórekilik tanytyp, ıaǵnı bótenniń múlkin ıemdenip, qashyp ketken.
Keltirilgen jalpy shyǵyn kólemi 100 myń teńge.
Polısııa qyzmetkerleri atalǵan jaıtty QR QK-niń 191-baby (tonaý) boıynsha sotqa deıingi tergep-teksserýdiń biryńǵaı tizilimine tirkedi. Oqıǵa ornyna Keles polısııa bóliminiń tájirıbeli tártip saqshylarynan qurylǵan jedel-tergeý toby jiberildi.
Ashyq túrde turǵyndy tonaǵan kúdiktige respýblıka kóleminde izdeý jarııalandy. Keles aýdandyq sotymen oǵan syrttaı kúzetpen ustaý túrindegi bultartpaý sharasy taǵaıyndaldy.
Jylǵa jalǵasqan jedel-izdestirý is-sharalarynyń nátıjesinde Keles aýdanynyń polısııa qyzmetkerleri tonaý qylmysyna qatysy bar kúdiktiniń izine shyqty. Kúdikke ilingen azamat Nur-Sultan qalasyndaǵy kóshelerdiń birinde qolǵa tústi.
Ustalǵan jas jigit polısııa bólimine jetkizildi. Ol jergilikti turǵyn bolyp shyqty. Kúdikti qylmys jasaıtyn kúni kóshe boıynda mas halde kele jatyp, ózgeniń ashyq turǵan qaqpasy arqyly kirgen. Tonaý jolymen alynǵan uıaly telefondy 40 myń teńgege satyp jiberip, sol aqshamen Nur-Sultan qalasyna ketken.
Kúdikti qamaýǵa alyndy. Qazirgi tańda tergeý amaldary júrgizilip jatyr.
