Mereıtoılyq baǵdarlamanyń basty jańalyǵy belgili ustazdar tájirıbelerimen bólisetin Ybyraı Altynsarınniń pedagogıkalyq sheberlik onlaın alańynyń ashylýy bolyp otyr. Alǵashqy bop Bilim jáne ǵylym mınıstrligi «Y. Altynsarın» tósbelgileriniń ıegerleri shaqyrylady. Nazarbaev Zııatkerlik mektepteri júıesinde 80-nen astam adam joǵary pedagogıkalyq marapat ıegerleri. Olar elordadaǵy fızıka-matematıka baǵytyndaǵy Zııatkerlik mekteptiń matematıka páni muǵalimi Gúlnar Apeeva, Nur-Sultan qalasyndaǵy Nazarbaev Zııatkerlik mektebiniń tarıh páni muǵalimi Sáýle Ahmetova, О́skemendegi NIS-tiń bıologııa páni muǵalimi Tatıana Djejerıa, Shymkenttegi hımııa-bıologııa baǵytyndaǵy Zııatkerlik mekteptiń aǵylshyn tili pániniń muǵalimi Sholpan Jaılaýbekova, Pavlodar qalasyndaǵy Zııatkerlik mektep dırektorynyń orynbasary Irına Babıch jáne ózge de muǵalimder.⠀
Kásibı dıalog pen kezdesý ornyna aınalatyn NIS-tiń onlaın alańyna elimizdegi jalpy bilim beretin mektepterden tájirıbeli muǵalimder qosylady dep josparlanýda. ⠀
Qazaqtyń uly pedagoginiń shyǵarmashylyǵy men aǵartýshylyq qyzmetine arnalǵan taqyryptyq sımpozıým Nazarbaev Zııatkerlik mektepteriniń jyl saıynǵy halyqaralyq ǵylymı-praktıkalyq konferensııasynda ashylmaq. Dástúrli tamyz konferensııasyndaǵy tabysty tájirıbeler panoramasy da Ybyraı Altynsarınniń mereıtoıy sheńberinde ótetin bolady. ⠀
«Dóńgelek ústelder» serııasy zamanaýı bilim berýdegi basty trendter – eńbek naryǵyndaǵy jańa talaptarǵa, jappaı standarttaýdan jappaı biregeılikke kóshýge, jasandy ıntellekt dáýirinde ustazdardyń almaspaıtyndyǵyna, tabysty bilim berý júıesindegi baǵalaý men ózge de suraqtarǵa arnalady. ⠀
Jańa jaǵdaıdaǵy bilim berýdiń mıssııasyn anyqtaıtyn basym baǵyttar boıynsha taldamalyq maqalalar toptamasy ázirlenýde, – balalarǵa ıgilikti orta qurý, muǵalimderdiń kásibı damýy, beıakademııalyq úlgerim, fýnksıonaldyq saýattylyqty qalyptastyrý, sandyq aborıgenderdiń kıberqaýipsizdigi, covid generation úshin mega táýekelder. ⠀
Mereıtoılyq baǵdarlama aıasynda elimizde úlken qyzyǵýshylyq týdyrǵan «Ulylyqtyń jolynda ustaz turar» jobasy da óz jalǵasyn tabatyn bolady.⠀
Nazarbaev Zııatkerlik mektepterinde Ybyraı Altynsarınniń 180 jyldyǵyna arnalǵan alǵashqy sharalar legi qańtar aıynda bastaý almaq.⠀
