Jańa jyl taıaǵanda otty oıynnan kúıip qalyp aýrýhanaǵa túsip jatatyndar joq emes. Sondyqtan da quzyrly organdar sertıfıkaty joq pırotehnıkalyq ónimderdi satýǵa ruqsat joqtyǵyn alǵa tartyp, reıd uıymdastyrýdy qolǵa aldy. Eger arnaıy lısenzııa bolmaǵan jaǵdaıda «Taýarlar men ózge zattardy zańsyz satý» QR ÁQtK 196-baby boıynsha ákimshilik hattama toltyrylyp, materıal ákimshilik sotqa joldanady.
Reıdtik is-sharalar kezinde Borodýlıha aýdanynda zańsyz saýda anyqtalǵan. Quqyq buzýshy Semeıdiń turǵyny. Oǵan qatysty 196-bap boıynsha hattama toltyrylyp, 20 AEK mólsherinde aıyppul salyndy.
«Atalmysh quqyq buzýshylyq úshin 25 AEK aıyppul salý kózdelgen. Aqshaǵa shaqqanda, 69450 teńge», dedi О́skemen qalalyq Polısııa bóliminiń ÁPB azamattyq jáne qyzmettik qarý aınalymyna baqylaý boıynsha tobynyń aǵa ınspektory Talǵat Iskakov.
Qutqarýshylar men polısııa qyzmetkerleri halyqqa pırotehnıkalyq ónimderdi arnaıy oryndardan ǵana alýǵa keńes beredi. Al oblysta pırotehnıka satýǵa ruqsat alǵan 4 oryn ǵana bar eken.
«О́rt qaýipsizdigi erejesine sáıkes pırotehnıkalyq ónimderdi satýǵa arnaıy dúkenderge nemese bólimderge ruqsat etiledi. Ondaı ónimder órtke qarsy qalqamen bólingen bólme ishindegi metall shkaftarda saqtalýy kerek. Ony jertólege saqtaýǵa múldem tyıym salynady», dedi Tótenshe jaǵdaı departamentiniń órt baqylaý basqarmasynyń bastyǵy Rınat Qondybaev.
Eskerte ketsek, ótken jyly otty oıynnyń saldarynan jańa jyl qarsańynda 14 órt oqıǵasy tirkelgen.
Shyǵys Qazaqstan oblysy
